2 कुरुन्थियों 6:9 - चम्बयाली नौआ नियम

^9-10 किच्‍छ मणू असा जो ठीक जाण-पैछाण वालेयां सांई मिलदे, पर किच्‍छ मणू असा जो अनजाण लोक्कां सांई नजरंदाज करी दिंदे। असी मरणे रे करीब रैहन्दे, पर असी फिरी भी जिन्दे हिन। असा जो कुट्टेया गेया, पर असी फिरी भी नी मरे। असा रे दुखी होणे रा समय भी आया पर असी फिरी खुसी मनांदे। असी गरीब हिन, पर मते जणेया जो आत्मिक रुप बिच अमीर बणाई दिदें, असी इदेय हिन कि जिय्यां असा का किच्‍छ भी नी है, पर फिरी भी असी सब किच्‍छ रखदे। ते इन्हा ही सारे तरिक्के कने असी ए ज़ाहिर करदे कि असी परमेश्वर रे चुणे रे दास हिन।

2 कुरुन्थियों 6:9 ပူးပေါင်းရင်းမြစ်များ

प्रेरितां रे कम्म 17:18

तां इपिकुरी ते स्तोईकी पणतां बिच का किन्ने तिस कने तर्क करणे लग्गे, ते कितणेयां ने बोल्लेया, ए अंट-शंट बोलणे वाला कै बोलणा चांदा? पर होरनियाँ ने बोल्लेया, से दूज्जे देवता रा प्रचारक लगदा, किजोकी ए यीशु रा, ते मरी करी फिरी जिन्दे होई जाणे रा सुब बसेख सुणांदा।

प्रेरितां रे कम्म 19:26

अते तुसा दिखदे सूणदे हिन, कि सिर्फ इफिसुस सहर बिच ही नी, बल्कि सारे एशिया प्रदेश बिच ए बोल्ली करी की इस पौलुस ने बड़े मणूआं जो बहलाया फुसलाया, कि मणूआं रे हत्थां कने बणाये रे देवते सच्चे देवते नी हिन

प्रेरितां रे कम्म 25:19

पर से मणू अपणे ही मत ते कुसकी होर यीशु नां रे मणू रे बारे बिच बैह्स करेया करदे थिये जे मरी गेया थिया, ते पौलुस पर ए इल्जाम लाया करदे थिये से ए बोलदा कि यीशु फिरी जिन्दा होई गे रा है।

प्रेरितां रे कम्म 25:26

मैं इसेरे बारे अन्दर कोई पक्की गल्ल नी दिख्खी कि अपणे सम्राट जो लिख्खां इधेरे तांइ मैं इसजो तुसा रे सामणे ते खास कर राजा अग्रिप्पा, तुसा रे सामणे लेई आया ताकि परखणे का बाद मेरे जो किच्‍छ लिखणे जो मिली जाओ।

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

रोमियों 8:36

जिय्यां कि पवित्रशास्त्र बिच लिख्खे रा है, जित्ते दाऊद ने परमेश्वर जो बोल्ले रा है “असी तेरे तांइ हमेसा मौत रे खतरे बिच रैहन्दे, असी मारे जाणे वाली भेड़ां सांई गिणे गेरे हिन।”

1 कुरुन्थियों 11:32

पर प्रभु असा जो सजा देई करी असा जो अनुशासित करदे ताकि आखरी बिच असा जो दुनिया कने गुनेह्गार ना ठैहराण।

1 कुरुन्थियों 15:31

ओ संगी विश्वासियों, मेरे जो तुसा पर गर्व है कि तुसा रा मसीह यीशु कने इक्क गहरा रिस्ता है, ते ए गल्ल भी सही है कि मैं हर रोज मसीह रा बसेख सुनाणे री वजह कने मौत रे खतरे बिच रैहन्दा।

1 कुरुन्थियों 4:9

पर मेरे जो इय्यां लगदा कि परमेश्वर ने असी प्रेरितां जो मरणे वाले कैदियां सांई आखिर बिच रख्खे रा है। असी सारे दुनिया तांइ इक्क तमाशा बणी गेरे हिन, इत्ते तिकर स्वर्गदूत ते सारे मणू असा जो दिखदे।

2 कुरुन्थियों 11:6

भले ही मैं बोल-चाल अन्दर अनाड़ी है, पर मेरे जो ज्ञान री कमी नी है; बल्कि मैं तुसा जो हर बेल्ले ते हर तरिक्के री हालात बिच शिक्षा दैणे रे जरिये इस गल्ल जो साबित कित्ते रा है।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 कुरुन्थियों 5:11

इस तांइ परमेश्वर रा डर मन्नी करी असी लोक्कां जो छंदे करी के परमेश्वर रे सच पर विश्वास करणे तांइ समझांदे ते तिन्हेरे सामणे असा रा हाल प्रकट है, ते मेरे जो ए आस है की तुसा रे विवेक पर भी असा रा हाल प्रकट होया होणा।