2 कुरुन्थियों 6:3 - चम्बयाली नौआ नियम

³ परमेश्वर रे सहकर्मी होणे रे नात्ते असी कुसकी गल्ल बिच ठोक्कर खाणे रा कोई भी मौक्का नी दिदें, ताकि असा री सेवा पर कोई इल्जाम ना आये।

2 कुरुन्थियों 6:3 ပူးပေါင်းရင်းမြစ်များ

मत्ती 17:27

पर असी उन्हा लोक्कां जो नराज ना करी दैण, इधेरे तांइ तू झील रे बन्ने पर जाई करी कंडा पा, अते जे मच्छी पैल्ले निकलगी, तिसजो लै अते तिसेरा मुँह् खोलण तिज्जो इक्क चाँन्दी सिक्का मिलणा, तिसजो लेई करी मेरे अते अपणे बदले तिन्हा जो देई देयां।

मत्ती 18:6

पर जे कोई मेरे पर विश्वास करणे वाले मेरे कुसकी निम्मते चेल्‍ले रे रस्ते री रुकावट बणदा, खरा हुन्गा कि तिसेरे गले बिच इक्क चक्की रा पाट लटकाई करी तिसजो समुंद्र बिच डूबाई दित्तेया जाये।

प्रेरितां रे कम्म 19:27

ते अवे सिर्फ इक्क ही गल्ल रा डर नी कि असा रा कम्म धंदा बदनाम होया करदा है, बल्कि ए भी कि महान देवी अरतिमिस रे मन्दिर जो भी घटिया समजेया जाणा जिस जो की सारा एशिया प्रदेश ते सारी दुनिया भक्ति करदी ते तिसेरा गौरव भी जान्दा रैह्णा

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

1 कुरुन्थियों 9:12

जां तुसा दूज्जे प्रेरितां री इन्नी मदद कित्ती तां फिरी तुसा जो इसका भी जादा बधी करी असा री मदद करणा चाएदी। पर असा ने तुसा लोक्कां पर असा री मदद करणे रा दवाब नी पाया पर इसेरे बजाए असा ने सब किच्‍छ सहन कित्तेया ताकि असा री वजह कने मसीह यीशु रे सुब बसेख बिच कोई रुकावट ना आए।

1 कुरुन्थियों 9:22

जां मैं विश्वास बिच कमजोर लोक्का कने रेया तां मैं तिन्हा सांई ही बर्ताव कित्ता ताकि मैं तिन्हा मसीह बिच छिक्की अणा। मैं सबणी मणूआं तांइ सब किच्‍छ बणेया कि कुसकी-ना-कुसकी तरिक्के कने मते जणेया रा छुटकारा कराई सकां।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 8:20

असी तीतुस कने इक्क होर विश्वासी भ्याल जो भेज्जी करी इस गल्ल री सावधानी बरतेया करदे हिन, कि इस उदारता रे कम्म रे बारे बिच जिसेरी सेवा असी करदे, कोई असा पर इल्जाम ना लाई सके।