2 कुरुन्थियों 6:18 - चम्बयाली नौआ नियम

¹⁸ ते मैं तुसा रा प्यो होणा ते तुसा मेरे बच्चे-बच्चियां होणे, ए सर्वशक्तिमान प्रभु परमेश्वर रा वचन है।”

2 कुरुन्थियों 6:18 ပူးပေါင်းရင်းမြစ်များ

यूहन्ना 1:12

पर जितणेया ने तिसजो अपणाया, तिसने तिन्हा जो परमेश्वर रे पुत्तर होणे रा हक्क दिता, तिन्हा लोक्कां जो जे तिस पर विश्वास रखदे।

रोमियों 8:19

किजोकी परमेश्वर री सारी रचना बड़ी उम्मीद तिस दिन जो भालेया करदे हिन जां परमेश्वर ने ज़ाहिर करणा कि कुण तिन्हेरे असली औलाद्दां हिन।

रोमियों 8:29

किजोकी परमेश्वर अपणे लोक्कां जो पैल्ले का जाणदे, ते परमेश्वर ने तिन्हा लोक्कां जो अपणे पुत्र सांई बणने तांइ चुणे रा है, ताकि मसीह यीशु परमेश्वर रे बाकि मती औलाद्दां बिच तिन्हेरे जेठे पुत्तर ठैहरे।

गलातियों 3:26

जां तुसा सारेयां ने मसीह यीशु रा बपतिस्मा लित्तेया, तां तुसा मसीह का मिले री नौई जिन्दगी जो इय्यां पाई लित्ता जिय्यां कोई नौए कपड़े पांदा, इधेरे तांइ जां तुसा ने मसीह यीशु बिच विश्वास कित्तेया तां तुसा सारे परमेश्वर री औलाद्दां बणी गे।

इफिसियों 1:5

किजोकी परमेश्वर ने असा जो प्यार कित्तेया ते तिन्हा ने फैसला कित्तेया कि तिन्हा ने असा जो मसीह यीशु रे जरिये गोद लेई लैणा।

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 21:22

मैं तिस बिच परमेश्वर रा मन्दिर नी दिख्खेया, किजोकी सर्वशक्तिमान प्रभु-परमेश्वर ते उरणू तिसेरा मन्दिर है।

प्रकाशित वाक्य 21:7

जिन्हा लोक्कां ने दुष्ट पर जीत हासिल करणी, तिनिए ही मेरे का इन्हा सारी आशीषां जो हासिल करणा। मैं तिसेरा परमेश्वर होणा ते तिनिये मेरा पुत्तर होणा।