2 कुरुन्थियों 6:14 - चम्बयाली नौआ नियम

¹⁴ अविश्वासी लोक्कां रे सहभागी मत बणो। किजोकी धार्मिकता ते अधार्मिकता रा कोई मेल जोल नी है, रौसनी या न्याहरे री कोई सगंती नी है।

2 कुरुन्थियों 6:14 ပူးပေါင်းရင်းမြစ်များ

यूहन्ना 7:7

दुनिया रे मणू तुसा कने नफरत नी करी सकदे, पर से मेरे कने नफरत करदे, किजोकी मैं तिन्हेरे खिलाफ गवाई दिन्दा, कि दुनिया रे लोक्कां रे कम्म बुरे हिन।

प्रेरितां रे कम्म 4:23

से छुटिकरी अपणे साथियां का आए, ते जे किच्‍छ बड्डे पुरोत्तां ते बुजुर्ग लोक्कां ने तिन्हा जो बोल्ले रा थिया, तिन्हा जो सूणाई दित्ता

1 कुरुन्थियों 10:21

ए मुमकिन नी है कि तुसा इक्क ही समय पर दुष्टात्मा जो चढ़ाए रे कुर्बानी बिच का भी खाओ-पीयो ते कन्ने-कन्ने प्रभु भोज बिच शामिल हो जे असा जो मसीह री मौत रा चेत्ता दुआंदा।

1 कुरुन्थियों 15:33

तिन्हेरी इदेइ गल्लां कने धोखा मत खांदे, “बुरी सगंत ठीक चरित्र जो खराब करी दिंदी।”

1 कुरुन्थियों 5:9

मैं अपणी पैल्ली चीठ्ठियां बिच तुसा जो लिख्खेया थिया कि व्यभिचारियां री संगती मत करदे।

1 कुरुन्थियों 6:6

पर तिसेरे बजाए इक्क विश्वासी अपणे दूए विश्वासी भाई रे खिलाफ कचेरी बिच कुसकी अविश्वासी मणू का अपणी परेसानी सुलझाणे तांइ जांदे।

1 कुरुन्थियों 7:39

जां तांइ कुसकी जनानी रा लाड़ा जिंदा है, तां तांइ तिसजो अपणे लाड़े जो नी छडणा चाएदा। पर जां तिसेरा लाड़ा मरी जाये तां फिरी से जिस मर्जी कने चाए ब्याह करी सकदी, पर सिर्फ कुसकी विश्वासी कने ही।

फिलिप्पियों 2:15

ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।

याकूब 4:4

ओ बेईमान लोक्कों, तुसा जाणदे कि दुनिया री चीजां कने प्यार रखणा परमेश्वर कने नफरत करणा है। अते जे दुनिया रा दोस्त होणा चाह्‍ंदा, से अपणे आप जो परमेश्वर रा दुश्मण बणादां