2 कुरुन्थियों 6:13 - चम्बयाली नौआ नियम

¹³ पर तुसा जो अपणे बच्चे समजी करी मैं तुसा जो बोलदा की तुसा भी असा रे प्यार रे बदले बिच पर अपणे प्यार जो मत रोक्की रख्खो।

2 कुरुन्थियों 6:13 ပူးပေါင်းရင်းမြစ်များ

मरकुस 11:24

इधेरे तांइ मैं तुसा जो बोलदा कि जे तुसा प्रार्थना करी के मंग्गो, ते विश्वास करी लेयो कि तुसा जो मिल्ली गेया, अते तुसा रे तांइ होई जाणा।

गलातियों 4:12

ओ संगी विश्वासियों, मैं तुसा सांई बणने तांइ यहूदी रीति-रीवाजां पर चलणा छड्डी दित्तेया, ते अवे मैं तुसा का बिनती करदा कि तुसा मेरे सांई बणो ते यहूदी रीति-रीवाजां पर चलणा छड्डी देयो। तुसा पैल्ले मेरे कने बड़े ठीक रे।

गलातियों 4:19

ओ मेरे प्रियों, जिय्यां कुसकी दुपराणी जनानी जो लोकिणे री पीड़ हुंदी, तिसी सांई मैं तुसा तांइ पीड़ सहन करेया करदा है। ते जां तांइ तुसा मसीह बिच पूरी तरह पकी नी जांदे, तां तांइ मेरे जो से पीड़ रैह्णी।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।