2 कुरुन्थियों 5:9 - चम्बयाली नौआ नियम

⁹ इस तांइ असा रे मन री खुसी ए है कि चाए असी तिन्हा कन्ने स्वर्ग बिच रैह्ण या चाए तिन्हा का दुर इस दुनिया बिच रैह्ण, पर असी तिन्हा जो पसंद आंदे रैह्ण।

2 कुरुन्थियों 5:9 ပူးပေါင်းရင်းမြစ်များ

यूहन्ना 6:27

मुकी जाणे वाली रोट्टी तांइ परिश्रम न करो, पर तिस रोट्टी तांइ मैहनत करो जे कि हमेसा री जिन्दगी तक रैह्‍ंदी, जिस जो मणू रा पुत्तर, जे मैं ही है, तुसा जो दिंगा, किजोकी पिता परमेश्वर ने ए करणा रा अधिकार भी दित्ते रा है।

प्रेरितां रे कम्म 10:35

पर परमेश्वर हर जाति जे रा डर मनदे ते भले कम्म करदे, तिन्हा जो से अपणाई लिंदे।

रोमियों 14:18

जे कोई इस तरिक्के कने मसीह यीशु री सेवा करदा, से परमेश्वर जो खुस करदा, ते मणू भी तिसेरा आदरमान करदे।

रोमियों 15:20

पर मेरे मन री चाह्‍त ए है, कि जिस-जिस जगाह् बिच मसीह यीशु रा सुब बसेख नी सुणाया गेया, तित्ते ही सुब बसेख सूणां। ताकि इय्यां ना हो कि इदेइ जगाह् पर कम्म करां जित्ते कुसकी होर ने पैल्ले का कम्म सुरु कित्ते रा हो।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

2 कुरुन्थियों 5:6

अते असी हमेसा हिम्मत बणाई रखदे ते ए जाणदे की जां तिकर असी सरीर बिच रैहन्दे, तां तांइ असी प्रभु कने नी स्वर्ग बिच नी रेया करदे हिन।

2 कुरुन्थियों 5:8

इस तांइ असी हिम्मत बणाई रखदे कि मरणे रे बाद सरीर जो छड्डी करी प्रभु कने रैह्णा होर भी जादा खरा समजदे।

इफिसियों 1:6

परमेश्वर ने इय्यां इस तांइ कित्तेया ताकि तिन्हेरे महिमामय अनुग्रह तांइ तिन्हेरी बड़ाई करण, जिस जो तिन्हा ने असा लोक्कां जो मुफ्त बिच इधेरे तांइ दित्तेया किजोकी असा रा तिन्हेरे प्यारे पुत्तर कने रिस्ता है।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 थिस्सलुनीकियों 4:11

ते जिय्यां असी तुसा जो समझाये रा है कि तुसा इक्क सांती कने भरपूर जिन्दगी जियो, दूए लोक्कां रे कम्मां बिच दखल मत देयो ते मैहनत कने अपणा अपणा काम्म-काज करेयो।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

इब्रानियों 12:28

इधेरे तांइ असा जो जे राज मिल्ले रा है, तिसजो हिलाया नी जाई सकदा। असी परमेश्वर रे अनुग्रह री वजह कने तिन्हेरा शुकर करण, जिस कने असा री भक्ति ते डर कने परमेश्वर री इदेइ अराधना करण जिस कने से खुस हुदें।

इब्रानियों 4:11

इधेरे तांइ असी भी तिस अराम री जगाह् बिच जाणे तांइ हर कोसीस करदे रैह्ण, कुसकी जो भी तिन्हा लोक्कां सांई नी चलणा चाएदा जिन्हा ने परमेश्वर रे हुकमां री ना-फरमानी कित्ती। तां असा ने अराम री जगाह् बिच जाणा।

2 पतरस 3:14

इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।