2 कुरुन्थियों 5:7 - चम्बयाली नौआ नियम

⁷ हल्ले जां असी इस दुनिया बिच जिया करदे हिन, तां असी प्रभु रा अनुसरण तिन्हा जो दिख्खी करी नी पर विश्वास करणे रे जरिये करेया करदे हिन।

2 कुरुन्थियों 5:7 ပူးပေါင်းရင်းမြစ်များ

1 कुरुन्थियों 13:12

ए असी विश्वास करणे वाले लोक्कां तांइ इक्क ही जदेया है किजोकी असी इक्क इदेय मणू सांई हिन जे इक्क धुंधले सीसा बिच अपणी परछाई दिख्खेया करदे हिन, सिर्फ अग्गे चली करी भविष्य बिच असा जो हकीकत बिच सब किच्‍छ समझ बिच आणा किजोकी असा ने परमेश्वर जो आमणे-सामणे दिखणा। परमेश्वर रे बारे बिच हल्ले मेरा ज्ञान अद्दा-अधुरा है पर से समय आणा जां मैं परमेश्वर जो तिन्ना ही जाणना, जिन्ना परमेश्वर मेरे जो जाणदे।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

2 कुरुन्थियों 4:18

अते असा तां दिख्खी री चीजां जो नी पर अण-दिख्खी चीजां जो दिखदे रैह्‍न्दे, किजोकी दिख्खी री चीजां थोड़े ही रोज री हिन, पर अणदिख्खी चीजां हमेसा बणी रेह्न्दी।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इब्रानियों 10:38

“धार्मिक मणू ने विश्वास रे जरिये जीणा, ते जे अगर से विश्वास पीच्छे हटी जाए, तां मेरा मन तिसका खुस नी होणा।”

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 पतरस 5:9

तुसा जो अपणे मजबूत विश्वास कने तिसेरा सामणा करणा चाएदा। याद रख्खो, पूरी दुनिया बिच सारे विश्वासी तैसे ही जुल्म सहन करेया करदे हिन जदेय तुसा सहन करेया करदे हिन।