2 कुरुन्थियों 5:3 - चम्बयाली नौआ नियम

³ ताकि जां असी अपणे स्वर्गीय सरीर जो पाई लैण तां असी तिसेरे बगैर ना पाए जाण।

2 कुरुन्थियों 5:3 ပူးပေါင်းရင်းမြစ်များ

2 कुरुन्थियों 5:2

इस सरीर बिच ता असी पीड़ां कने किल्दे रैहन्दे ते बड़ी तमन्‍ना रखदे की अपणे स्वर्गीय सरीर जो पाई लैण।

2 कुरुन्थियों 5:4

ते असी इस सरीर बिच रैहन्दे होए जे इस दुनिया बिच असा रे तम्बू सांई है, बोझ कने किल्दे रैहन्दे, किजोकी असी अपणे इस दुनिया रे सरीर जो उतारणा नी चाह्‍ंदे पर स्वर्गीय सरीर जो भी पाई लैणा चाह्‍ंदे, ताकि असा रे नौए स्वर्गीय सरीर असा रे इन्हा शरीरां कने बदली जाए जे इक्क दिन मुकी जाणे।

प्रकाशित वाक्य 16:15

ते दुष्टात्मां ते सारे राज्जे ते तिन्हेरे सिपाई इब्रानी भाषा बिच हरमीगिद्दोन नां री जगाह् बिच कठ्ठे होए। इधेरे तांइ मसीह यीशु ने बोल्लेया, “ए गल्ल सुणो, मेरे आणे रा दिन कुसकी चोर रे आणे सांई चाणचक्के ही होणा। धन्न है से मणू जे मेरे आणे रे समय पर अपणे कपड़े तैयार रख्खी करी जागदा रेह्। तां तिन्हा ने नंगे नी रैह्णा ते तिन्हा जो शर्मिंदा होणे तांइ किच्‍छ नी रैह्णा ते आए से फिरी लोक्कां बिच भी चली जाण।”

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।