2 कुरुन्थियों 5:20 - चम्बयाली नौआ नियम

²⁰ इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

2 कुरुन्थियों 5:20 ပူးပေါင်းရင်းမြစ်များ

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

लूका 14:23

तां मालक ने नौक्कर जो बोल्लेया, सड़कां अते बाड़ियां अन्दर जितणे भी मणू मिलगे, तिन्हा जो धाम खाणे तांइ जोर पा, ते तिन्हा जो लेई आ, ताकि मेरा घर भरी जाओ।

यूहन्ना 20:21

तां यीशु ने तिन्हा जो फिरी बोल्लेया, तुसा जो सांती मिल्लो जिय्यां परम पिता ने मेरे जो भेज्जेया है, तिय्यां ही मैं भी तुसा जो दुनिया रे लोक्कां का भेजदा।

रोमियों 5:10

पर जां हल्ले असी परमेश्वर रे खिलाफ ही थिये, तां ही असी परमेश्वर रे इकलौत्ते पुत्तर री मौत री वजह कने असा रा परमेश्वर कने मेल जोल कराई दित्ता गेया, पर अवे जां मसीह यीशु जिन्दे हिन तां तिन्हा ने असा जो छुटकारा जरुर दैणा।

2 कुरुन्थियों 12:10

इधेरे तांइ मैं मसीह यीशु जी तांइ कमजोरियां अन्दर, ते निन्दा होणे अन्दर, ते दरिद्रता अन्दर, ते जुल्मां अन्दर अते बुरे समय अंदर भी खुस है, किजोकी जां मैं कमजोर हुन्दा, तां मसीह मेरे जो ताकत दिंदे।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

2 कुरुन्थियों 5:11

इस तांइ परमेश्वर रा डर मन्नी करी असी लोक्कां जो छंदे करी के परमेश्वर रे सच पर विश्वास करणे तांइ समझांदे ते तिन्हेरे सामणे असा रा हाल प्रकट है, ते मेरे जो ए आस है की तुसा रे विवेक पर भी असा रा हाल प्रकट होया होणा।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

इफिसियों 6:20

हालांकि मैं कैद बिच है फिरी भी मैं सुब बसेख तांइ इक्क राजदूत सांई है। मेरे तांइ प्रार्थना करेयो कि मैं सुब बसेख सुनाणे बिच हिम्मत वाला बणां, जदेया मेरे जो होणा भी चाएदा।

कुलुस्सियों 1:20

ते परमेश्वर ने अपणे पुत्तर जो दुनिया बिच भेज्जेया जिन्हा ने सुली पर कुर्बानी दित्ती। परमेश्वर ने ए सब किच्‍छ इधेरे तांइ कित्ता ताकि से हर इक्क चीज कने सांती बणाई करी मेल जोल करी लैण। इसी तरिक्के कने परमेश्वर ने आसमान ते धरती री हर इक्क चीज कने अपणा मेल जोल करी लित्ता।

1 थिस्सलुनीकियों 4:8

जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।