2 कुरुन्थियों 5:16 - चम्बयाली नौआ नियम

¹⁶ अते अवे असी कुसकी होर जो इन्सानी तौर-तरिक्के रे हिसाब कने नी समजगे हालांकि असा ने भी मसीह यीशु जो इन्सानी तौर-तरिक्के रे हिसाब कने समजेया, तां भी अब्बे का असी तिन्हा जो इदेया नी जाणगे।

2 कुरुन्थियों 5:16 ပူးပေါင်းရင်းမြစ်များ

मत्ती 10:37

जे अपणे मां-प्यो जो मेरे का जादा प्यार करदा, से मेरा चेल्ला होणे रे लायक नी है, जे अपणे बच्चेयां जो मेरे का जादा प्यार करदा, से मेरा चेल्ला होणे रे लायक नी है,

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

यूहन्ना 2:4

यीशु ने तिसजो बोल्लेया, मां, ए सब किच्‍छ मेरे जो किजो दस्सेया करदी हिन? हल्ले मसीह रे रुप बिच जाहिर होणे रा मेरा समय नी है आए रा।

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

यूहन्ना 8:15

तुसा इन्सानी तौर-तरिक्के रे हिसाब कने मेरा हिसाब-किताब करदे, पर मैं कुसकी रा हिसाब-किताब नी करदा।

2 कुरुन्थियों 11:18

हालांकि जिय्यां मते मणू इस दुनिया रे लोक्कां सांई घमंड करदे, तिय्यां ही मैं भी घमंड करदा।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

फिलिप्पियों 3:4

मैं तां इन्सानी ताकत पर निर्भर होई सकदा थिया, जे कोई इन्सानी ताकत पर निर्भर होणे री सोच रखदा, तां मैं उस का भी जादा इन्सानी ताकत पर निर्भर होई सकदा।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।