2 कुरुन्थियों 5:14 - चम्बयाली नौआ नियम

¹⁴ किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।

2 कुरुन्थियों 5:14 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

लूका 15:24

किजोकी मेरे जो लग्गेया थिया कि मेरा हल्का निक्का मरी गे रा थिया पर ए जिन्दा है, ए गुआच्ची गे रा थिया, पर अवे वापिस मिली गे रा है। ते फिरी से खुसियां मनाणा लग्गी पे

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 24:29

पर तिन्हा ने यीशु पर बड़ा जोर पाया अते बोल्लेया, तुसा असा रे का इत्ते रुकी जाओ किजोकी सूरज डूब्बी गे रा है अते सांज्ज होणे वाली है आखिर यीशु तिन्हेरे तित्ते रुकणे तांइ तिन्हा कने अन्दर चली गे

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

प्रेरितां रे कम्म 18:5

जां सीलास ते तीमुथियुस मकिदुनिया प्रदेश का आये, तां पौलुस ने तम्बू बनाणा छड्डी करी वचन सुनाणे बिच मगन होई करी यहूदियां जो गवाई दिन्दा थिया कि यीशु ही मसीह है:

रोमियों 2:2

असी जाणदे की परमेश्वर धार्मिक तरिक्के कने सारेयां रा हिसाब लिंदे, ते इदेय-इदेय कम्म करणे वालेयां जो परमेश्वर तिन्हा रे कम्मां रे हिसाब कने तिन्हा जो सजा दिंदे।

रोमियों 5:15

पर आदम रे पाप ते परमेश्वर रे अनुग्रह रे दान बिच बड़ा बड्डा फर्क है। किजोकी आदम रे पाप करणे री वजह कने मते लोक्कां बिच मौत फैल्ली गयी। पर तिसका जादा बधी करी मसीह यीशु रे जरिये मते लोक्कां जो परमेश्वर रा बड़ा अनुग्रह ते धार्मिकता रा दान मिल्लेया।

रोमियों 6:13

अते अपणे जिस्म रे कुसकी भी अंग जो बुरे कम्मां री सेवा करणे तांइ हवाले मत करो, बल्कि, अप्पु जो पूरे तरिक्के कने परमेश्वर रे हवाले करी देयो। किजोकी तुसा मरी गे थिये, पर अवे तुसा का नौई जिन्दगी है। इधेरे तांइ अपणे पूरे जिस्म जो इक्क औजार रे तौर पर परमेश्वर री महिमा तांइ इस्तेमाल करो।

रोमियों 6:6

किजोकी असी ए जाणदे कि असा रा पापी स्वभाव मसीह यीशु कने ही सुली पर चढ़ाई दित्तेया गेया थिया, ताकि असा रे सरीर बिच जे पापी स्वभाव है, से मुकी जाओ, ते असी अग्गे जो पाप रा गुलाम ना बणी रैह्ण।

1 कुरुन्थियों 16:22

हमारे प्रभु यीशु जल्द हटणे वाले हिन।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

2 कुरुन्थियों 3:7

जां मूसा रा कानून जे पत्थर री सलेटां पर लिख्खेया गेया थिया, तां तिस बेल्ले परमेश्वर री महिमा दिख्खी गयी थी, इस्राएल रे मणू मूसा रे चेहरे जो जादा देर तिकर नी दिख्खी सके, किजोकी से बड़ा चमकेया करदा थिया पर तिसेरी चमक भी जादा देर तिकर नी रेई, इधेरे तांइ जे अगर मूसा रे कानून पर आधारित सेवकाई जे मौत पास्से लेई जांदी, अगर इन्नी जादा चमकदार है, तां फिरी नौई वाचा रे अधीन होई करी परमेश्वर री पवित्रात्मा री सेवकाई करणे बिच इसका भी जादा महिमा होणी।

2 कुरुन्थियों 3:9

किजोकी जां कसुरवार ठैहराणे वाला, मूसा रे कानून महिमामय थिया, तां पक्के तौर पर धार्मिक ठैहराणे वाली नौई वाचा बिच होर भी जादा महिमामय होणी।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

कुलुस्सियों 2:13

तुसा अपणे पाप्पां ते पापी स्वभाव री वजह कने इक्क मुर्दे मणू सांई थिये, ते अपणे पापी स्वभाव का हल्ले कट्टे नी गे थिये। तां परमेश्वर ने तुसा जो मसीह यीशु कने फिरी जिन्दा कित्ता, ते तिन्हा ने असा रे सारे पाप माफ करी दित्ते।

कुलुस्सियों 3:3

किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

1 तीमुथियुस 2:6

सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

1 तीमुथियुस 5:6

पर जे विधवा जनानियां अपणा पूरा वक्त ऐश-मस्ति बिच कडदी से शरीरी तौर पर ता जिंदी है पर आत्मिक तौर पर मरी चुके री है।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।