2 कुरुन्थियों 5:13 - चम्बयाली नौआ नियम

¹³ जे अगर कोई बोल्ले कि असी बेसुध हिन तां सिर्फ परमेश्वर तांइ हिन, ते जे अगर असी होश बिच हिन, तां तुसा तांइ हिन।

2 कुरुन्थियों 5:13 ပူးပေါင်းရင်းမြစ်များ

मरकुस 3:21

जां उन्हेरे रिस्तेदारां ने ए सूणेया, ते से यीशु जो पकड़ने ताइं निकले किजोकी से बोलदे थिये कि उन्हेरा दमाग ठिकाणे नी है।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

2 कुरुन्थियों 11:1

मेरी चाह्‍त है कि जां मैं थोड़ी-मती बेवकूफी री गल्लां करदा, तां तुसा मेरे जो सहन करी लेयो।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 12:6

किजोकी जे अगर मैं गर्व करणा चां, तां भी मैं बेवकूफ नी ठैहरणा, किजोकी मैं ता सच बोलणा, पर तां भी मैं गर्व करणे का बचदा, कुते इय्यां ना हो कि जिय्यां कोई मेरे जो दिखदा या मेरे का सूणदा हो, ते मेरे जो तिन्हा गल्लां का बधी करी समझो।

2 कुरुन्थियों 7:12

फिरी मैं पैल्ले जे से गम्भीर चीठ्ठी तुसा जो लिख्खी थी, से ना तां तिसेरे वजह कने लिख्खेया जिन्निए नाइन्साफी कित्ती, ते ना तिसेरे वजह कने जिस कने नाइन्साफी होई, पर इस तांइ की तुसा रा जे जोस असा तांइ है से परमेश्वर रे सामणे तुसा रे सामणे आई जाए।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।