2 कुरुन्थियों 5:12 - चम्बयाली नौआ नियम

¹² असी फिरी भी अपणी तारिफ तुसा अग्गे नी करदे, पर असी तुसा जो असा रे बारे बिच गर्व करणे रा मौक्का दिदें, तुसा तिन्हा जो जवाब देई सको, जे मन पर नी पर दिखावटी गल्लां पर घमंड करदे।

2 कुरुन्थियों 5:12 ပူးပေါင်းရင်းမြစ်များ

2 कुरुन्थियों 10:12

किजोकी असा जो ए हिम्मत नी है कि असी अप्पु जो तिन्हा बिच का किच्‍छ इदेय जणेया कने गिणन या तिन्हा बिच अप्पु जो मिलाण, जे अपणी तारिफ अप्पु करदे, ते अपणे आप जो अप्पु-मिते नाप्पी-तोल्ली करी इक्क-दूज्जे कने बराबरी करी के बेवकूफ ठेहरदे।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

2 कुरुन्थियों 10:7

तुसा बाहरी दिखावट पर ध्यान दिंदे। जे अगर कुसकी मणू जो अप्पु पर ए भरोस्सा हो, कि से मसीह यीशु रा है, तां से ए भी जाणी लेयो कि जिय्यां से मसीह यीशु रा है, तिय्यां ही असी भी मसीह यीशु रे हिन।

2 कुरुन्थियों 10:8

किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 3:1

असी फिरी अपणी तारिफ नी हिन करेया करदे। ते असा जो बाकि मणूआं सांई तुसा जो अपणी सिफारिश करणे तांइ चीठ्ठियां दैणे या लैणे री बिल्कुल भी जरुरत नी है।

2 कुरुन्थियों 6:4

हर तरिक्के कने असी ए ज़ाहिर करदे कि असी परमेश्वर रे चुणे रे दास हिन, असी बड़े सबर कने दुखां, कमी-घटियां ते मुसीबतां जो सैह्‍ंदे।

फिलिप्पियों 1:26

ते जां मैं तुसा का आणा तां तुसा का मसीह यीशु बिच तिस कम्म तांइ घमंड करणे रा होर भी वजह होणी जे से मेरे जरिए करेया करदे हिन।