2 कुरुन्थियों 5:11 - चम्बयाली नौआ नियम

¹¹ इस तांइ परमेश्वर रा डर मन्नी करी असी लोक्कां जो छंदे करी के परमेश्वर रे सच पर विश्वास करणे तांइ समझांदे ते तिन्हेरे सामणे असा रा हाल प्रकट है, ते मेरे जो ए आस है की तुसा रे विवेक पर भी असा रा हाल प्रकट होया होणा।

2 कुरुन्थियों 5:11 ပူးပေါင်းရင်းမြစ်များ

मत्ती 10:28

उन्हा का मत डरो जे सरीर जो मारदे हिन पर आत्‍मा जो नी मारी सकदे, बल्कि परमेश्वर का डरो जे आत्‍मा अते सरीर दोनां जो नरक बिच नास करी सकदा।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

लूका 12:5

मैं तुसा जो पक्की गल्ल दसी दिन्दा कि कुसका डरणा चाएदा? परमेश्वर का डरो जे तुसा जो मारणे रे बाद नरक बिच पाणे रा हक्क रखदा हाँ, मैं बोलदा, वस परमेश्वर का ही डरो

लूका 16:31

अब्राहम ने तिसजो बोल्लेया, जे से मूसा रे कानून अते भविष्यद्वक्तां री कताबा बिच जे लिख्खे रा है, तिन्हा जो नी सूणदे तां कोई मरे रे मणूआं बिच का जिन्दा होई करी तिन्हा का जाओ, तां भी तिन्हा तिन्हेरा विश्वास नी करणा।

प्रेरितां रे कम्म 13:43

ते जां सभास्थल रे मणू उठी गे तां यहूदियां अते गैर-यहूदी भक्तां बिच का बड़े जणे पौलुस ते बरनबास ते पीच्छे चली पे, ते तिन्हा ने तिन्हा लोक्कां कने गल्लां करी के समजाया, कि परमेश्वर री अनुग्रह बिच बणी रेयो।

प्रेरितां रे कम्म 18:13

कि ए मणूआं जो समझान्दा, कि परमेश्वर री भक्ति इस तरिक्के कने करो, जे मूसा रे कानून रे उलट हो

प्रेरितां रे कम्म 18:4

ते पौलुस हर इक्क विश्राम दिन पर सभास्थल बिच बैहस-बाजी करी के यहूदियां ते यूनानियां जो मसीह बिच विश्वास करणे तांइ समझांदा थिया।

प्रेरितां रे कम्म 19:26

अते तुसा दिखदे सूणदे हिन, कि सिर्फ इफिसुस सहर बिच ही नी, बल्कि सारे एशिया प्रदेश बिच ए बोल्ली करी की इस पौलुस ने बड़े मणूआं जो बहलाया फुसलाया, कि मणूआं रे हत्थां कने बणाये रे देवते सच्चे देवते नी हिन

प्रेरितां रे कम्म 26:26

राज्जा भी, जिसेरे सामणे मैं बगैर डरे रे बोल्लेया करदा है, इन्हा गल्लां जो जाणदा ते मेरे जो विश्वास है कि इन्हा गल्लां बिच का कोई भी गल्ल इन्हा का छुपेरी नी है, किजोकी ए घटना कुसकी कौणे अन्दर नी होई।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

2 कुरुन्थियों 5:20

इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 1:10

मैं लोक्कां री नी पर परमेश्वर री सहमती जितणे री कोसीस करेया करदा है। मैं लोक्कां जो खुस करणे री कोसीस नी करेया करदा है, किजोकी जे अगर मणूआं जो खुस करणा मेरा मकसद हुंदा, तां मैं मसीह रा दास नी हुंदा।

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

इब्रानियों 10:31

ए किन्नी जादा ड्रौणी गल्ल है कि जिन्दा परमेश्वर असा जो पकड़ी करी सजा दैण।

इब्रानियों 12:29

किजोकी असा रा परमेश्वर इक्क फुकणे वाली आग्ग सांई हिन।

यहूदा 1:23

होरणी लोक्कां जो हमेसा री मौत री आग्ग का झपटी करी कड्डी लेयो ते इदेय किच्‍छ मणू भी हिन जिन्हा पर तुसा जो दया करणा चाएदी पर इस कन्ने चुकन्ने भी रेयो। तुसा जो तिन्हेरे कपड़ेयां का नफरत करणा चाएदी किजोकी तिन्हेरी सरीर री बुरी इच्छां कने से गंदे होई गेरे हिन।