2 कुरुन्थियों 5:1 - चम्बयाली नौआ नियम

¹ जिय्यां कि असी जाणदे कि इस दुनिया बिच असा रा सरीर इक्क तम्बू सांई है जित्ते असी रैहन्दे। जां असी मरी जाणा तां असा जो परमेश्वर रे पास्से का स्वर्ग का इक्क इदेया सरीर मिलणा जे हत्थां रा बणे रा नी पर हमेसा तिकर रैह्णे वाला है।

2 कुरुन्थियों 5:1 ပူးပေါင်းရင်းမြစ်များ

मरकुस 14:58

असा ने इसजो ए बोल्दे सुणे रा है, “मैं इस मन्दिर जो ढ़ाह्ई दैणा जिस जो इन्सानां ने बणाए रा है, अते त्रै रोज्जां अन्दर दुज्जा बणाई दैणा, जे कुसकी इन्सान ने नी बणाए रा होणा।”

प्रेरितां रे कम्म 7:48

पर परमप्रधान रे हत्थां रे बणाए रे मन्दिर बिच नी रैहन्दा, जिय्यां कि यशायाह भविष्यद्वक्ता री कताब बिच लिख्खे रा है,

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

2 कुरुन्थियों 4:7

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

2 कुरुन्थियों 5:4

ते असी इस सरीर बिच रैहन्दे होए जे इस दुनिया बिच असा रे तम्बू सांई है, बोझ कने किल्दे रैहन्दे, किजोकी असी अपणे इस दुनिया रे सरीर जो उतारणा नी चाह्‍ंदे पर स्वर्गीय सरीर जो भी पाई लैणा चाह्‍ंदे, ताकि असा रे नौए स्वर्गीय सरीर असा रे इन्हा शरीरां कने बदली जाए जे इक्क दिन मुकी जाणे।

कुलुस्सियों 2:11

जां तुसा मसीह यीशु बिच विश्वास कित्तेया, तां तुसा रा इदेया खतना होया जे कुसकी इन्सान ने कित्तेया हो, पर से मसीह यीशु रे जरिये होया, जे की तुसा रे पापी स्वभाव रा कट्टेया जाणा थिया।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

इब्रानियों 11:10

किजोकी से सहर जे हमेसा बणी रैह्णा, जे स्वर्ग बिच है, ते मणूआं रे हत्थां कने नी बणे रा है, जिसेरा बणाणे वाला परमेश्वर है।

इब्रानियों 9:11

पर जां मसीह यीशु असा रे प्रधान पुरोत्त बणे, तां से तिन्हा सारी चीजां जो लेई करी आए जे अवे असा का हिन। से मूसा रे तम्बू का जादा महान तम्बू बिच गे, जे स्वर्ग बिच है, ते से मणूआं रे हत्थां कने बणाए रा नी है, ते ना ही इस दुनिया रा हिस्सा है।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।

1 पतरस 1:4

असी तिस विरासत जो पाणे तांइ इंतजार करदे जे परमेश्वर ने असा तांइ तैयार कित्ते री है। कोई भी तिन्हा चीजां जो ना बर्बाद करी सकदा ते ना ही खराब करी सकदा, से ना कदी पुराणी होई सकदी ते ना ही तिन्हेरी खूबसुरती कदी घटी सकदी। परमेश्वर ने तुसा तांइ से चीजां स्वर्ग बिच रख्खे री हिन।

2 पतरस 3:11

ए गल्ल साफ है कि परमेश्वर ने सब किच्‍छ इय्यां ही तबाह करणा, तुसा जाणदे कि तुसा जो कदेया बोल-चाल रखणा चाएदा।

1 यूहन्ना 3:14

असी जाणदे कि असी हमेसा री मौत रे वस बिच नी हिन ते अवे असा का परमेश्वर रे पास्से का हमेसा री जिन्दगी है किजोकी असी अपणे संगी विश्वासी कने प्यार करदे ते जे मणू प्यार नी करदा, से हमेसा री मौत रे वस बिच हिन।

1 यूहन्ना 3:19

इसी कने ही असा जो ए पता चलदा कि असी सच्चाई रे हिसाब कने जिन्दगी जिया करदे हिन;

1 यूहन्ना 3:2

ओ मेरे प्यारे दोस्तों, अवे असी परमेश्वर री औलाद हिन, पर कल जो कै हुंगे, ए हल्ले तिकर जाहिर नी होया पर असी ए जाणदे कि जां उसने आणा तां असी भी उसेरे ही सांई होई जाणा किजोकी जदेय से हिन, तिसजो असा तदेया ही दिखणा