2 कुरुन्थियों 4:5 - चम्बयाली नौआ नियम

⁵ दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

2 कुरुन्थियों 4:5 ပူးပေါင်းရင်းမြစ်များ

मत्ती 23:8

पर तुसा मणूआं बिच अप्पु जो गुरु मत बुलवान्दे, किजोकी तुसा रा इक्क ही गुरु है, ते तुसा सारे सिर्फ भैण भाई हिन।

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 2:36

अते अवे इस्राएल रा सारे मणू ठीक तरिक्के कने जाणी लये कि परमेश्वर ने तिस्सी यीशु जो जिस जो तुसा सुली पर चढ़ा़ई दित्ता, प्रभु भी ठैहराया ते मसीह भी।

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

1 कुरुन्थियों 1:23

पर असा तां तिस सुली पर चढ़ाये मसीह यीशु रा प्रचार करदे जिन्हा ने असा जो पाप्पां का छुड़ाणे तांइ सुली पर जान दित्ती थी, किजोकी यहूदी लोक्कां ने ए सोच्चेया थिया कि मसीह ने हमेसा जीणा इधेरे तांइ से इस गल्ल पर विश्वास नी करी सके कि यीशु ही मसीह थिये।

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

1 कुरुन्थियों 15:47

पैल्ला मणू जे आदम है, से मिट्टी का बणेया थिया, पर दुआ मणू जे मसीह यीशु हिन, से स्वर्ग का आए।

1 कुरुन्थियों 2:2

किजोकी मैं ए ठाणी लित्ता थिया कि मैं तुसा लोक्कां बिच मसीह यीशु ते तिन्हेरे सुली पर जान दैणे रे अलावा होर कुसकी चीज रे बारे बिच गल्ल ना करां।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

2 कुरुन्थियों 1:19

किजोकी मैं पौलुस, सिलवानुस ते तीमुथियुस ने, परमेश्वर रे पुत्तर मसीह यीशु रा सुब बसेख रा प्रचार तुसा लोक्कां बिच कित्तेया, ते मसीह यीशु बिच कदी “हाँ” ते कदी “ना” नी थिया, पर तिस बिच हमेसा सिर्फ “हाँ” ही “हाँ” है।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

फिलिप्पियों 1:15

ए सच है कि किच्‍छ मणू जलन ते दुश्मणी री वजह कने मसीह रा बसेख सुणांदे। पर किच्‍छ मणू सही ईरादे कने मसीह रा बसेख सुणांदे।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।