2 कुरुन्थियों 4:16 - चम्बयाली नौआ नियम

¹⁶ इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी।

2 कुरुन्थियों 4:16 ပူးပေါင်းရင်းမြစ်များ

लूका 11:3

असा री रोज री रोट्टी असा जो देया करो,

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

रोमियों 7:22

मैं पूरे दिल कने परमेश्वर रे कानून कने तां बड़ा खुस रैहन्दा,

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

इफिसियों 3:16

मैं ए प्रार्थना करदा कि से तुसा जो अपणी असीमित महिमा रे जरिये तुसा जो ए दान दैण ताकि तुसा अपणे अंदरूनी मनुष्यत्व बिच ताकत पाई करी मजबूत हुंदे जाओ।

इफिसियों 4:23

ते पवित्रात्मा जो तुसा रे स्वभाव ते तुसा री सोच जो नौआ बणाणे देयो।

कुलुस्सियों 3:10

तुसा अवे इक्क नौए मणू बणी गेरे हिन, ए नौआ स्वभाव अपणे बणाणे वाले परमेश्वर सांई बणदा जाया करदा है ते इस वजह कने तुसा परमेश्वर जो जादा ठीक तरिक्के कने समझणा।

तीतुस 3:5

ते परमेश्वर ने असा जो पाप री सजा मिलणे का बचाया ते ए असा रे धार्मिक कम्मां री वजह कने नी पर तिन्हा ने अपणी दया री वजह कने असा जो इक्क नौई जिन्दगी दित्ती। तिन्हा ने असा रे पाप्पां जो मिटाई दित्तेया ते असा जो इक्क नौआ स्वभाव दित्तेया। तिन्हा ए असा जो अपणा पवित्रात्मा दैणे रे जरिये कित्तेया।

1 पतरस 3:4

निम्ते ते चुप्प रेई करी अपणे दिल का खूबसुरत बणो। इदेइ खूबसुरती हमेसा तांइ रेह्न्दी ते परमेश्वर री नजर बिच ए कीमती है।

1 पतरस 4:14

जे मसीह यीशु रे नां री वजह कने तुसा री बेजती कित्ती जांदी तां तुसा धन्न हिन, किजोकी परमेश्वर रा महिमामय आत्‍मा तुसा बिच वास करदा।