2 कुरुन्थियों 4:14 - चम्बयाली नौआ नियम

¹⁴ अते ए जाणदे कि जिनिये प्रभु यीशु जो मरे रे लोक्कां बिच का जिंदा कित्तेया, तिन्हा ने ही असा जो भी तिय्यां ही जिंदा करणा, ते परमेश्वर ने असा जो तुसा कने कठ्ठे करी के लेई आणा ते असी तिन्हेरी मौजुदगी बिच हाजिर रैह्ण।

2 कुरुन्थियों 4:14 ပူးပေါင်းရင်းမြစ်များ

लूका 21:36

हर बेल्ले तैयार रेयो, अते प्रार्थना करदे रेयो कि तुसा जो इन्हा सब गल्लां का, जे होणे वाली हिन, तिन्हा का बचणे री ताकत मिली सकें अते भरोसे कने मणू रे पुत्तर, जे मैं ही है रे अग्गे खड़ी सकण।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

1 कुरुन्थियों 6:14

परमेश्वर ने अपणी ताकत कने असा जो मुर्देयां बिच का जिन्दा करी दैणा जिय्यां कि तिन्हा ने मसीह यीशु जो भी मुर्देयां बिच का फिरी जिन्दा कित्तेया थिया।

2 कुरुन्थियों 11:2

मैं भी तिय्यां ही तुसा री फिकर करदा जिय्यां परमेश्वर तुसा री फिकर करदे। किजोकी मैं तुसा जो मसीह यीशु जो सौंपणे रा इराद्दा कित्ते रा है। ए तिय्यां ही है कि जिय्यां इक्क प्यो अपणी कुंआरी कुड़ी जो तिसेरे लाड़े जो ब्याह का बाद सौंपी दिंदा।

इफिसियों 5:27

तिन्हा ने इधेरे तांइ भी कुर्बानी दित्ती ताकि से अपणे सारे लोक्कां जो सिद्व बणाए ते तिन्हा सारेयां जो अपणी मौजुदगी बिच लेई आए जिन्हा बिच कोई भी गलती या पाप नी होणा, बल्कि तिसने साफ ते पवित्र होणा।

कुलुस्सियों 1:22

अवे परमेश्वर ने अपणे पुत्तर रे मणू रे रुप बिच जन्म लैणे, ते सुली पर कुर्बानी दैणे रे जरिए, तुसा कने भी मेल जोल करी लेया, ताकि तुसा जो अपणी नजर बिच पवित्र, बेकसूर, ते बेगुनाह ठैहराए।

कुलुस्सियों 1:28

असी मसीह रा प्रचार करदे, ते परमेश्वर रे असा जो दित्ते रे सारे ज्ञान कने हर मणू जो सिखांदे ते चितौणी दिंदे, ताकि जां हर इक्क जणा जां परमेश्वर रा सामणे खड़िये तां से सारे परिपक्व विश्वासी बणी जाण।

1 थिस्सलुनीकियों 4:14

किजोकी असी विश्वासी जाणदे कि ए गल्ल सच है कि यीशु मरे ते फिरी जिन्दे होई गे तिय्यां ही परमेश्वर ने तिन्हा विश्वासी जो भी फिरी जिन्दा करणा जे मरी गेरे हिन ते तिन्हा जो यीशु कने वापिस हटाई लाणा।

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!