2 कुरुन्थियों 4:13 - चम्बयाली नौआ नियम

¹³ पर असी प्रचार करणा जारी रखदे किजो असा बिच तैसा ही विश्वास है जैसा तिस भजनकार बिच थिया जां तिनिये ए लिख्खेया, “मैं परमेश्वर पर विश्वास कित्तेया, इधेरे तांइ मैं बोल्लेया, इधेरे तांइ असी भी विश्वास करदे ते बोलदे।”

2 कुरुन्थियों 4:13 ပူးပေါင်းရင်းမြစ်များ

प्रेरितां रे कम्म 15:11

इय्यां करणा सही नी है। असा रा ए मनणा है कि जिय्यां तिन्हा ने मसीह यीशु रे अनुग्रह कने छुटकारा पाणा, तिस्सी तरिक्के कने असी भी पाणा।

रोमियों 1:12

मेरे बोलणे रा मतलब ए है कि जां असी मिलणा, तां तुसा जो तुसा रे विश्वास बिच उत्साहित करणा चाह्‍ंदा, पर मैं ए भी चाह्‍ंदा कि तुसा रे विश्वास रे जरिये मैं भी उत्साहित होई जां।

1 कुरुन्थियों 12:9

से आत्‍मा इक्क जणे जो मसीह यीशु बिच बड़ा जादा विश्वास करणे री खूबी दिंदा, ते से ही आत्‍मा दूए मणू जो लोक्कां री बिमारियां ठीक करणे री खूबी दिंदे।

2 कुरुन्थियों 3:12

इधेरे तांइ इदेइ आस रख्खी करी असी हिम्मत कने बोलदे।

2 कुरुन्थियों 4:12

तां असी मौत रे खतरे बिच रैहन्दे पर इसेरा नतीज्जा ए होया कि तुसा जो हमेसा रा जीवन मिल्लेया।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।