2 कुरुन्थियों 4:12 - चम्बयाली नौआ नियम

¹² तां असी मौत रे खतरे बिच रैहन्दे पर इसेरा नतीज्जा ए होया कि तुसा जो हमेसा रा जीवन मिल्लेया।

2 कुरुन्थियों 4:12 ပူးပေါင်းရင်းမြစ်များ

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 13:9

पर जिस बेल्ले असी कमजोर हुंदे ते तुसा ताकतवर हुंदे, तां असा जो बड़ी खुसी हुंदी, इसेरे अलावा असी प्रार्थना भी करदे कि तुसा मसीह यीशु बिच विश्वास करणे बिच सिद्व होई जाओ।

2 कुरुन्थियों 4:11

हाँ, असी हमेसा मौत रे खतरे बिच रैहन्दे किजोकी असी मसीह यीशु रा सुब बसेख सुणांदे ताकि मसीह यीशु री जिन्दगी असा रे कम्मां रे जरिये लोक्कां पर ज़ाहिर हो।

2 कुरुन्थियों 4:13

पर असी प्रचार करणा जारी रखदे किजो असा बिच तैसा ही विश्वास है जैसा तिस भजनकार बिच थिया जां तिनिये ए लिख्खेया, “मैं परमेश्वर पर विश्वास कित्तेया, इधेरे तांइ मैं बोल्लेया, इधेरे तांइ असी भी विश्वास करदे ते बोलदे।”

फिलिप्पियों 2:17

प्रभु बिच तुसा रा विश्वास ते तुसा री सेवा इक्क कुर्बानी सांई प्रभु जो चढाया गेरे हिन, ते जे अगर मेरे जो तुसा रे विश्वास ते सेवा तांइ अपणी जान भी दैणा पये, तां भी मैं खुस है।

फिलिप्पियों 2:30

किजोकी से मसीह यीशु रे कम्म तांइ अपणी जान जो खतरे बिच पाई करी मरणे वाला ही थिया, ताकि तुसा रे दुर रैह्णे री वजह कने मेरी जे मदद नी करी सके से तिसेरी कमी पूरी करी सके।

1 यूहन्ना 3:16

असा ने प्यार मसीह यीशु का सिख्खेया कि तिन्हा ने असा तांइ अपणी जिन्दगी देई दित्ती, इधेरे तांइ असा जो भी अपणे संगी विश्वासियां तांइ अपणी जान दैणी चाएदी।