2 कुरुन्थियों 4:10 - चम्बयाली नौआ नियम

¹⁰ असी हर बेल्ले मसीह यीशु री तकलिफां ते मरणे रे अनुभव जो अपणे सरीर बिच महसूस करदे ताकि मणू मसीह यीशु रे जिन्दगी जो असा रे कम्मां रे जरिये जाणी सकण।

2 कुरुन्थियों 4:10 ပူးပေါင်းရင်းမြစ်များ

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

रोमियों 6:5

किजोकी जे अगर असी बपतिस्मा लेई करी तिन्हेरे सांई मरी गे, तां जिय्यां से फिरी जिन्दे कित्ते गे तिय्यां ही असी भी फिरी जिन्दे कित्ते जाणे।

रोमियों 6:8

इधेरे तांइ जे अगर असी मसीह यीशु सांई मरी गे, तां असा रा विश्वास है कि असी तिसेरे कने जीणा भी।

रोमियों 8:36

जिय्यां कि पवित्रशास्त्र बिच लिख्खे रा है, जित्ते दाऊद ने परमेश्वर जो बोल्ले रा है “असी तेरे तांइ हमेसा मौत रे खतरे बिच रैहन्दे, असी मारे जाणे वाली भेड़ां सांई गिणे गेरे हिन।”

2 कुरुन्थियों 1:5

किजोकी असी जिन्ना जादा मसीह यीशु तांइ जुल्म सैह्‍ंदे, परमेश्वर तिन्ना ही जादा मसीह यीशु रे जरिये असा जो तसल्ली दिंदे।

2 कुरुन्थियों 1:9

बल्कि असी ए मन्नी लेया थिया कि अवे असा जो मारी दित्ता जाणा, पर आखिरकार असी अप्पु रा भरोसा छड्डी करी परमेश्वर पर ही पूरे तरिक्के कने भरोस्सा रख्खेया जे मरे रे लोक्कां जो भी जिन्दा करी दिंदे।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 4:11

हाँ, असी हमेसा मौत रे खतरे बिच रैहन्दे किजोकी असी मसीह यीशु रा सुब बसेख सुणांदे ताकि मसीह यीशु री जिन्दगी असा रे कम्मां रे जरिये लोक्कां पर ज़ाहिर हो।

गलातियों 6:17

इसका बाद कोई भी मेरे जो होर परेशान ना करे, किजोकी मेरे सरीर पर जे दाग हिन से इस गल्ल जो दर्शांदे कि मैं मसीह रा सेवादार है।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

2 तीमुथियुस 2:11

ए गल्ल सच्ची ते भरोस्सेमंद है कि जे अगर असी मसीह कने मरी गेरे हिन, तां असी तिन्हा कने जिन्दे भी होई जाणा।

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।

1 पतरस 4:14

जे मसीह यीशु रे नां री वजह कने तुसा री बेजती कित्ती जांदी तां तुसा धन्न हिन, किजोकी परमेश्वर रा महिमामय आत्‍मा तुसा बिच वास करदा।

प्रकाशित वाक्य 1:17

जां मैं तिसजो दिख्खेया, तां मैं तिन्हेरे पैरां पर मुर्दे सांई पेई गेया, पर तिन्हा ने मेरे पर अपणा सज्जा हत्थ रख्खी करी ए बोल्लेया, “डर मत, मैं सुरुआत है, ते मैं ही आखिर भी।”