2 कुरुन्थियों 4:1 - चम्बयाली नौआ नियम

¹ इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

2 कुरुन्थियों 4:1 ပူးပေါင်းရင်းမြစ်များ

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

2 कुरुन्थियों 3:12

इधेरे तांइ इदेइ आस रख्खी करी असी हिम्मत कने बोलदे।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

2 कुरुन्थियों 4:16

इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी।

2 कुरुन्थियों 5:18

ए सारी गल्लां परमेश्वर रे पास्से का है, जिन्हा ने मसीह यीशु रे जरिए असा रा अप्पु कने मेल जोल करी दित्ता, ते अप्पु कने लोक्कां रा मेल जोल करणे री सेवा असा जो सौंप्पि दित्ती।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।

इफिसियों 3:13

इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

2 थिस्सलुनीकियों 3:13

तुसा ओ संगी विश्वासियों, भले कम्म करणे बिच हिम्मत मत हारो।

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।

इब्रानियों 12:3

इधेरे तांइ यीशु रे उदारण पर ध्यान करो। जे पाप्पी मणू तिन्हा कने नफरत करदे थिये, तिन्हेरी वजह कने यीशु जो किन्ना जादा सहन करणा पेया। ताकि तुसा निरास होई करी हिम्मत ना छड्डी देयो।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।