2 कुरुन्थियों 3:9 - चम्बयाली नौआ नियम

⁹ किजोकी जां कसुरवार ठैहराणे वाला, मूसा रे कानून महिमामय थिया, तां पक्के तौर पर धार्मिक ठैहराणे वाली नौई वाचा बिच होर भी जादा महिमामय होणी।

2 कुरुन्थियों 3:9 ပူးပေါင်းရင်းမြစ်များ

रोमियों 4:11

परमेश्वर ने पैल्ले ही अब्राहम जो धार्मिक ठैहराई करी अपणाई लित्तेया थिया, जां हल्ले तिन्हेरा खतना भी नी होए रा थिया। खतने रा निसान परमेश्वर द्वारा अपणाए जाणे री निशानी है। इधेरे तांइ अब्राहम तिन्हा लोक्कां रे आत्मिक पुरखे हिन जिन्हेरा खतना ता नी होए रा है पर तिन्हा जो परमेश्वर बिच विश्वास है। से मणू अपणे विश्वास रे जरिए धार्मिक बणाए गेरे हिन।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 15:41

सूरज री बखरी ही खूबसुरती है, ते चाँद री भी बखरी ही खूबसुरती है, ते तारेयां री भी बखरी ही खूबसुरती है, ते तारेयां री भी अप्पु मिते इक्क बखरी ही खूबसुरती है।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।