2 कुरुन्थियों 3:3 - चम्बयाली नौआ नियम

³ साफ तौर पर तुसा मसीह यीशु रे पास्से का चीठ्ठियां सांई हिन जे असा री सेवकाई रा नतीज्जा है, जे सलेट पर नी लिख्खे गेरे हिन पर परमेश्वर री आत्‍मा कने असा रे दिल री सलेट पर लिख्खे गेरे हिन।

2 कुरुन्थियों 3:3 ပူးပေါင်းရင်းမြစ်များ

मत्ती 16:16

शमौन पतरस ने जवाब दित्तेया, तुसा जिंदा परमेश्वर रे पुत्तर मसीह यीशु हिन।

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

2 कुरुन्थियों 3:7

जां मूसा रा कानून जे पत्थर री सलेटां पर लिख्खेया गेया थिया, तां तिस बेल्ले परमेश्वर री महिमा दिख्खी गयी थी, इस्राएल रे मणू मूसा रे चेहरे जो जादा देर तिकर नी दिख्खी सके, किजोकी से बड़ा चमकेया करदा थिया पर तिसेरी चमक भी जादा देर तिकर नी रेई, इधेरे तांइ जे अगर मूसा रे कानून पर आधारित सेवकाई जे मौत पास्से लेई जांदी, अगर इन्नी जादा चमकदार है, तां फिरी नौई वाचा रे अधीन होई करी परमेश्वर री पवित्रात्मा री सेवकाई करणे बिच इसका भी जादा महिमा होणी।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

इब्रानियों 10:16

“प्रभु बोलदे कि ए नौई वाचा जे मैं अपणा लोक्कां कने तिस दिन बनणी, से ए है कि मैं तिन्हा जो अपणे कानून री सोच बिच पाई दैणा, ते तिन्हा तिसजो अपणे दिल बिच रखणा।”

इब्रानियों 8:10

फिरी प्रभु बोलदे, कि आणे वाले दिनां बिच जे वाचा मैं इस्राएल रे लोक्कां कने बनणी, से ए है कि मैं तिन्हा जो अपणे कानून री सोच बिच पाई दैणा, ते तिन्हा तिसजो अपणे दिल बिच रखणा, ते मैं तिन्हेरा परमेश्वर ठैहरणा, जिसेरी तिन्हा ने अराधना करणी, ते तिन्हा ने मेरे मणू ठैहरणा।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

प्रकाशित वाक्य 2:1

तिनिये मेरे जो बोल्लेया, “इफिसुस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा,

प्रकाशित वाक्य 2:12

तिन्हा ने मेरे जो बोल्लेया पिरगमुन सहर री कलीसिया रे स्वर्गदूत जो ए बसेख लिख्खी करी भेज्जी दे। “मैं से मणू है जिस का पैन्नी दोधारी तलवार है, मैं तुसा जो ए बोल्लेया करदा है,

प्रकाशित वाक्य 2:18

तिन्हा ने मेरे जो ए भी बोल्लेया, “थुआतीरा सहर री कलीसिया रे स्वर्गदूत जो ए बसेख लिख्ख, परमेश्वर रा पुत्तर, जे मैं ही है, ते जिसेरी हाख्खियां आग्ग री लपटां सांई चमकदी, ते जिसेरे पैर भट्टी री आग्ग बिच तपाए रे पित्तल सांई हिन, तुसा कने ए गल्लां बोल्लेया करदा है,

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,

प्रकाशित वाक्य 3:1

तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा।

प्रकाशित वाक्य 3:14

तिनिये मेरे जो फिरी बोल्लेया, “लौदीकिया रे सहर रे कलीसिया रे स्वर्गदूत जो ए चीठ्ठी लिख्ख, मैं आमीन है, किजोकी मैं भरोस्सेमंद है, ते मैं इस गल्ल जो साबित करदा कि परमेश्वर सच है। जे किच्‍छ भी परमेश्वर ने बणाए रा है मैं तिसेरा जरिया है। मैं तुसा जो ए बोलदा,

प्रकाशित वाक्य 3:22

जे सुनणा चाए, से ध्यान कने सुणे कि पवित्रात्मा कलीसिया कने कै बोलदा।”

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,