2 कुरुन्थियों 3:17 - चम्बयाली नौआ नियम

¹⁷ प्रभुता आत्‍मा हिन, अते जित्ते कुते प्रभु रा आत्‍मा है, तित्ते मूसा रे कानून का अजादी है।

2 कुरुन्थियों 3:17 ပူးပေါင်းရင်းမြစ်များ

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

यूहन्ना 8:32

तुसा सच्चाई जो जाणो, ते सच्चाई ने तुसा जो अजाद करणा।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

गलातियों 4:6

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा।

गलातियों 5:1

मसीह यीशु ने असा जो मूसा रे कानून का अजाद करणे तांइ असा जो अजाद कित्ते रा है, इधेरे तांइ पक्के तौर पर अपणी अजादी जो मत गुआंदे, ते दुबारा मूसा रे कानून जो मन्नी करी अप्पु जो गुलाम मत बणदे।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

2 तीमुथियुस 1:7

किजोकी परमेश्वर ने असा जो डरपोक नी बणाए रा है। बल्कि तिन्हेरा आत्‍मा असा जो आत्मिक ताकत दिंदा, ते असा जो दूए लोक्कां कने प्यार करणे बिच मदद करदा ते असा जो अप्पु पर काबू रखणे री ताकत दिंदा।