2 कुरुन्थियों 3:13 - चम्बयाली नौआ नियम

¹³ अते असी मूसा सांई नी हिन जे अपणे मुँह पर परदा पाई रखदा थिया ताकि इस्राएल रे मणू तिसेरे चेहरे पर परमेश्वर रे चमक जो घटदे-घटदे ते मुकदे होए ना दिख्खे।

2 कुरुन्थियों 3:13 ပူးပေါင်းရင်းမြစ်များ

मरकुस 8:25

तां यीशु ने दुबारा तिस अन्ने मणू री हाख्खी पर हत्थ रखे, अते अन्ने मणू ने ध्यान कने दिख्खेया। ते से मणू ठीक होई गेया, ते तिस मणू जो सब किच्‍छ साफ-साफ दिसणा लग्गेया।

रोमियों 10:4

मसीह यीशु ने मूसा रे कानूनां जो पूरा कित्तेया जिस मकसद तांइ से दित्ते गेया थिया, ताकि हर इक्क मणू जे मसीह यीशु बिच विश्वास करे, से परमेश्वर री नजर बिच धार्मिक ठैहरे।

2 कुरुन्थियों 3:7

जां मूसा रा कानून जे पत्थर री सलेटां पर लिख्खेया गेया थिया, तां तिस बेल्ले परमेश्वर री महिमा दिख्खी गयी थी, इस्राएल रे मणू मूसा रे चेहरे जो जादा देर तिकर नी दिख्खी सके, किजोकी से बड़ा चमकेया करदा थिया पर तिसेरी चमक भी जादा देर तिकर नी रेई, इधेरे तांइ जे अगर मूसा रे कानून पर आधारित सेवकाई जे मौत पास्से लेई जांदी, अगर इन्नी जादा चमकदार है, तां फिरी नौई वाचा रे अधीन होई करी परमेश्वर री पवित्रात्मा री सेवकाई करणे बिच इसका भी जादा महिमा होणी।

कुलुस्सियों 2:17

किजोकी ए सारी गल्लां तां आणे वाली चीजां री परछाई थी, पर असलियत ता मसीह यीशु बिच मिलदी।