2 कुरुन्थियों 3:12 - चम्बयाली नौआ नियम

¹² इधेरे तांइ इदेइ आस रख्खी करी असी हिम्मत कने बोलदे।

2 कुरुन्थियों 3:12 ပူးပေါင်းရင်းမြစ်များ

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 16:29

यीशु रे चेल्‍लेयां ने बोल्लेया, दिख्खो अवे तुसा बिना उदारण रे साफ-साफ गल्लां दस्सेया करदे हिन।

प्रेरितां रे कम्म 14:3

ते से बड़े रोज्जां तांइ तित्ते रे, ते प्रभु रे भरोसे पर हिम्मत कने गल्लां कने करदे थिये ते प्रभु तिन्हेरे जरिए का चिन्ह-चमत्कारी कम्म करवाई करी अपणे अनुग्रह रे वचनां पर गवाई दुआंदे थिये।

प्रेरितां रे कम्म 4:13

जां तिन्हा ने पतरस ते यूहन्ना री हिम्मत दिख्खी ते ए दिख्खेया कि ए अनपढ़ ते आम मणू हिन तां हैरान होए फिरी तिन्हेरे जो पछाणेया कि ए यीशु कने रे हिन।

प्रेरितां रे कम्म 9:27

पर बरनबास ने तिसजो अपणे कन्ने प्रेरितां का लेई जाई करी तिन्हेरे जो दस्सेया कि किय्यां तिसने दमिश्क कस्बे जाणे रे रस्ते बिच प्रभु जो दिख्खेया ते किय्यां प्रभु जी ने तिस कने गल्लां कित्ती, ते दमिश्क कस्बे बिच किय्यां तिस कने यीशु रा प्रचार कित्तेया।

प्रेरितां रे कम्म 9:29

ते बिना डरे प्रभु रे नां लेई करी प्रचार करदा थिया ते यूनानी भाषा बोलणे वाले यहूदियां कने गल्ल-बात ते बहस-बाजी करदा थिया, पर से तिसजो मारी रखणे री कोसीस करणा लग्गे

1 कुरुन्थियों 14:19

पर कलीसिया बिच बखरी-बखरी भाषां री दस हजार गल्लां बोलणे का जादा खरा ता मेरे तांइ ए है कि सारेयां जो सखाणे तांइ समजदारी री पांज्ज ही गल्लां बोल्लां।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 3:11

मूसा रा कानून इक्क बड़ी महिमा कने दित्तेया गेया थिया जे जादा देर तिकर नी रेई। पर नौई वाचा री महिमा जादा बड्डी है किजोकी से हमेसा तिकर रैह्णी।

2 कुरुन्थियों 4:13

पर असी प्रचार करणा जारी रखदे किजो असा बिच तैसा ही विश्वास है जैसा तिस भजनकार बिच थिया जां तिनिये ए लिख्खेया, “मैं परमेश्वर पर विश्वास कित्तेया, इधेरे तांइ मैं बोल्लेया, इधेरे तांइ असी भी विश्वास करदे ते बोलदे।”

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

फिलिप्पियों 1:14

ते मेरे कैद होणे री वजह कने बाकि रे विश्वासियां की हिम्मत बधी गे री है। से निडर होई करी हिम्मत कने परमेश्वर रा बसेख सुणाया करदे हिन।

फिलिप्पियों 1:20

मेरी तां ए ही दिल का लालसा ते आस है कि मैं कुसकी गल्ल अन्दर शर्मिंदा ना होआं, पर जिय्यां मेरे हिम्मत कने मसीह रा बसेख सुनाणे री वजह कने मसीह यीशु री बड़ाई मेरे जरिए हमेसा हुंदी आए री है, तिय्यां ही अब्बे भी हो, चाए मैं जियां या मरी जां।

कुलुस्सियों 4:4

प्रार्थना करो कि मैं मसीह रे भेद जो खुली करी ते बिल्कुल सफाई कने दस्सी सकां, जे मेरे जो करणा भी चाएदा।

1 थिस्सलुनीकियों 2:2

बल्कि तुसा अप्पु ही जाणदे की असा ने पैल्ले फिलिप्पी सहर बिच दुख चुक्कणे ते तकलीफ सहणे पर भी असा रे परमेश्वर ने असा जो इदेइ हिम्मत दित्ती, की असी तुसा रे सहर बिच वरी विरोध रे हुदें होए भी तुसा जो परमेश्वर रा सुब बसेख सुनाण

1 तीमुथियुस 3:13

किजोकी जे सेवादार अपणा कम्म ठीक तरिक्के कने करदे तिन्हा जो लोक्कां बिच बड़ी इज्जत मिलणी ते तिन्हा जो लोक्कां जो मसीह बिच तिन्हेरे विश्वास रे बारे दसणे बिच दसणे तांइ हिम्मत मिलणी।

फिलेमोन 1:8

इधेरे तांइ मैं तुसा जो मसीह रे विश्वासी होणे नाते छंदे करदा कि तुसा सही कम्म ही करो।