2 कुरुन्थियों 3:1 - चम्बयाली नौआ नियम

¹ असी फिरी अपणी तारिफ नी हिन करेया करदे। ते असा जो बाकि मणूआं सांई तुसा जो अपणी सिफारिश करणे तांइ चीठ्ठियां दैणे या लैणे री बिल्कुल भी जरुरत नी है।

2 कुरुन्थियों 3:1 ပူးပေါင်းရင်းမြစ်များ

प्रेरितां रे कम्म 18:27

ते जां तिसने पक्का करी लित्तेया कि समुन्द्र रे पार उतरी करी से अखाया प्रदेश जो जाण तां विश्वासियां ने तिसजो हिम्मत देई करी भेज्जेया ते तित्ते रे चेल्‍लेयां जो इसेरा स्वागत करणे तांइ चीठ्ठी लिख्खी भेज्जी, ते तिसने पूज्जी करी तित्ते तिन्हा मणूआं री बड़ी मदद कित्ती जिन्हा ने परमेश्वर री अनुग्रह री वजह कने विश्वास कित्तेया थिया।

रोमियों 16:1

मैं चाह्‍ंदा कि तुसा किंख्रिया सहर री कलीसिया री सेविका, फिबे भैण री इज्जत करो।

1 कुरुन्थियों 16:3

ते जां मैं तित्ते होणा, तां मैं तुसा रे भरोस्सेमंद मणूआं रे हत्थां चीठ्ठी देई करी तिन्हा जो भेजी दिंगा ताकि तिन्हा कने तिन्हेरी पहचान होई जाए ते से तुसा री आर्थिक मदद यरुशलेम बिच पूजाई दैण।

1 कुरुन्थियों 3:10

मैं परमेश्वर रे दित्ते रे वरदान कने से कम्म पूरा कित्तेया जे तिन्हा ने मेरे जो करणे तांइ दित्तेया थिया; मैं तुसा रे सहर बिच सुब बसेख सुणाया ते तुसा बिच का सुरु-सुरु बिच मसीह बिच विश्वास करणे वाले लोक्कां जो तिस बिच बधणे तांइ मदद कित्ती। तिसेरे बाद, बाकि मसीही सेवकां ने तिस कम्म जो जारी रख्खेया जे मैं सुरु कित्तेया थिया। पर असा बिच का हर इक्क मसीही सेवक जो इस गल्ल रा ध्यान रखणे री जरुरत है कि असा जो परमेश्वर रा कम्म किय्यां करणा चाएदा।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

2 कुरुन्थियों 10:12

किजोकी असा जो ए हिम्मत नी है कि असी अप्पु जो तिन्हा बिच का किच्‍छ इदेय जणेया कने गिणन या तिन्हा बिच अप्पु जो मिलाण, जे अपणी तारिफ अप्पु करदे, ते अपणे आप जो अप्पु-मिते नाप्पी-तोल्ली करी इक्क-दूज्जे कने बराबरी करी के बेवकूफ ठेहरदे।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

2 कुरुन्थियों 10:8

किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

2 कुरुन्थियों 5:12

असी फिरी भी अपणी तारिफ तुसा अग्गे नी करदे, पर असी तुसा जो असा रे बारे बिच गर्व करणे रा मौक्का दिदें, तुसा तिन्हा जो जवाब देई सको, जे मन पर नी पर दिखावटी गल्लां पर घमंड करदे।