2 कुरुन्थियों 2:3 - चम्बयाली नौआ नियम

³ अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 2:3 ပူးပေါင်းရင်းမြစ်များ

1 कुरुन्थियों 4:21

तुसा कै चाह्‍ंदे कि मैं तित्ते पूज्जी करी तुसा कने किय्यां बर्ताव करां? कै मैं डंडा लेई करी तुसा का आ, या प्यार ते निम्तेपन कने?

2 कुरुन्थियों 1:15

अवे जां मैं जाणदा कि तुसा घट-बध ही समजी पाया करदे हिन, इधेरे तांइ मैं तुसा का आणा चाह्‍ंदा ताकि मेरा तुसा का दुबारा आणे री वजह कने तुसा जो दुगणी आशीष मिल्ले।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 7:12

फिरी मैं पैल्ले जे से गम्भीर चीठ्ठी तुसा जो लिख्खी थी, से ना तां तिसेरे वजह कने लिख्खेया जिन्निए नाइन्साफी कित्ती, ते ना तिसेरे वजह कने जिस कने नाइन्साफी होई, पर इस तांइ की तुसा रा जे जोस असा तांइ है से परमेश्वर रे सामणे तुसा रे सामणे आई जाए।

2 कुरुन्थियों 7:16

मैं खुस है, किजोकी मेरे जो हर गल्ल बिच तुसा पर भरोसा है।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

2 कुरुन्थियों 7:8

मेरे जो इस गल्ल रा कोई पछतावा नी है कि मैं तुसा जो गम्भीर चीठ्ठी लिख्खी, हालांकि तिस कने तुसा उदास होई गे। मेरे जो पैल्ले पछतावा होया थिया जां मैं दिख्खेया थिया कि तुसा तिस चीठ्ठी री वजह कने उदास होई गे।

2 कुरुन्थियों 8:22

असा ने तिन्हा कने अपणे तिस विश्वासी भ्याल जो भी भेज्जेया करदे हिन, जिस जो असा ने घड़ी-घड़ी परखी करी बड़ी गल्लां बिच हिम्मत वाला पाया, पर अवे तुसा पर तिसजो बड़ा विश्वास है, इस वजह कने से अवे होर भी जादा हिम्मत वाला है।

गलातियों 5:10

पर मैं परमेश्वर पर विश्वास करदा कि मेरे अलावा तुसा कुसकी होर जणे री गल्लां पर भरोस्सा नी करणा। पर जे अगर कोई तुसा जो परमेश्वर रे सच्चाई रे बसेख का भटकाणे री कोसीस करेया करदा है, परमेश्वर ने तिन्हा जो सजा जरुर दैणी चाए से कोई भी किजो ना हो।

2 थिस्सलुनीकियों 3:4

असा जो प्रभु बिच ए भरोस्सा है कि तुसा असा रे दित्ते रे सारे हुकमां जो मनदे ते तुसा अग्गे भी मनदे रैह्णा।

फिलेमोन 1:21

हालांकि मैं तेरे जो ए सारी गल्लां लिख्खी करी भेज्जेया करदा है पर फिरी भी मैं जाणदा कि तू ए गल्लां करदा ते तैं इसका बधी करी ही करणा।