2 कुरुन्थियों 2:14 - चम्बयाली नौआ नियम

¹⁴ परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 2:14 ပူးပေါင်းရင်းမြစ်များ

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

रोमियों 1:8

पैल्ले मैं तुसा सारे वास्ते मसीह यीशु रे जरिए अपणे परमेश्वर रा शुक्रिया करदा, किजोकी जगाह्-जगह मसीह बिच तुसा रे विश्वास री गल्लां होया करदी हिन।

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

रोमियों 8:37

पर असी मसीह यीशु रे जरिये हर इक्क गल्ल बिच इक्क विजेता का बधी करी हिन, किजोकी मसीह यीशु असा कने प्यार करदे।

1 कुरुन्थियों 12:8

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।

1 कुरुन्थियों 15:37

जां तू बांदा ता तू सीद्दे बूट्टे जो ही थोड़ी ना बाई दिंदा, सिर्फ बीह् जो ही बांदा, तां चाए से कणक रा बीह् हो या फिरी कुसकी अनाज रा बीह् हो।

1 कुरुन्थियों 15:57

पर परमेश्वर रा शुक्रिया हो, कि से असा जो पाप ते मौत पर मसीह यीशु रे कित्ते रे कम्म रे जरिये जीत दुआंदे।

2 कुरुन्थियों 1:11

तुसा जो भी प्रार्थना करी असा री मदद करणा चाएदी, ताकि मते मणू असा रे पास्से का तिन्हा आशीषां तांइ परमेश्वर रा शुकर करण जे परमेश्वर ने असा जो मती प्रार्थनां जो सुणी करी दित्ते री हिन।

2 कुरुन्थियों 8:16

परमेश्वर रा शुकर हो, जिन्हा ने तुसा तांइ से ही फिकर तीतुस रे मन बिच पाए री है, जे मेरे जो भी है।

2 कुरुन्थियों 9:15

आओ असी परमेश्वर रा तिन्हेरे पुत्तर जो इक्क दान रे स्वरूप बिच दैणे तांइ तिन्हेरा शुकर करण, जिसेरा कोई ज़िकर नी करी सकदा।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

इफिसियों 5:20

ते हमेसा सारी गल्लां तांइ असा रे प्रभु यीशु मसीह रे नां कने परमेश्वर पिता रा शुकर करदे रेया करो।

फिलिप्पियों 4:18

मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

कुलुस्सियों 2:15

ते तिस तरिक्के कने तिन्हा ने दुष्ट प्रधानता ते अधिकारां जो हराई दित्ता। ते सुली पर जीत हासिल करी के, खुलेआम तिन्हेरा तमाशा बणाया।

1 थिस्सलुनीकियों 1:8

किजोकी तुसा रे प्रदेश का परमेश्वर रे सुब बसेख री जे धूम मची से ना सिर्फ मकिदुनिया अते अखाया बिच बल्कि परमेश्वर बिच तुसा रा विश्वास हर कुते मन्नेया गेया ते असा जो होर कुसकी जो किच्‍छ बोलणे री जरुरत नी है।

1 थिस्सलुनीकियों 3:9

तुसा री वजह कने असा जो जे खुसी मिल्ली तिस तांइ असी परमेश्वर रा जिन्ना भी जादा शुक्रिया करण से घट है।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।