2 कुरुन्थियों 2:13 - चम्बयाली नौआ नियम

¹³ पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

2 कुरुन्थियों 2:13 ပူးပေါင်းရင်းမြစ်များ

मरकुस 6:46

चेल्‍लेयां जो भेजी करी यीशु पहाड़ पर प्रार्थना करणे जो चली गे।

प्रेरितां रे कम्म 21:6

तां इक्क-दूज्जे का बखरे होई करी असी तां जहाज पर चढ़ी गे अते से अपणे-अपणे घरे हटी गे

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

2 कुरुन्थियों 7:13

इस तांइ असा जो तसल्ली मिली, असा री इस तसल्ली ते तीतुस री खुसी री वजह कने, असा जो होर भी जादा खुसी होई, किजोकी तिसेरा मन तुसा री वजह कने होर भी जादा खुस होई गे रा है।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 8:16

परमेश्वर रा शुकर हो, जिन्हा ने तुसा तांइ से ही फिकर तीतुस रे मन बिच पाए री है, जे मेरे जो भी है।

2 कुरुन्थियों 8:23

जे कोई तीतुस रे बारे बिच पुच्छे, तां बोल्लेयो कि से मेरा साथी ते मेरे कने कम्म करणे वाला मेरा सहकर्मी है, ते जे असा रे विश्वासी भाईयां रे बारे बिच पुच्छे, तां दस्सेयों कि से कलीसिया रे दूत ते मसीह यीशु जो महिमा दैणे वाले मणू हिन।

2 कुरुन्थियों 8:6

इधेरे तांइ असा ने तीतुस जो समजाया कि जिय्यां तिनिये पैल्ले सुरु कित्तेया थिया तिय्यां ही इस दान रे कम्म जो तुसा रे बिच मझाटे पूरा भी करी लै।

गलातियों 2:1

चौदाह सालां बाद मैं बरनबास कने यरुशलेम सहर जो गेया अते तीतुस जो भी कने लेई गेया।

गलातियों 2:3

तित्ते किच्‍छ झूठ्ठे विश्वासी थिये जे छुटकारा पाणे तांइ सिर्फ मसीह बिच ही विश्वास नी करदे थिये पर यहूदी रीति-रीवाजां बिच भी विश्वास करदे थिये। से जासुसां सांई हिन, जे असा रे जीणे रे तरिक्के रे बारे बिच जाणना चाह्‍ंदे किजोकी मसीह ने असा जो अजाद कित्ते रा है। से असा का यहूदी रीति-रीवाजा जो मनवाई करी, असा जो गुलाम बनाणा चाह्‍ंदे। पर असा ने इक्क भी पल तांइ तिन्हेरी मर्जी नी मन्नी ताकि तुसा सुब बसेख री सच्चाई बिच बणी रेयो। तिन्हा ने बोल्लेया, कि मेरा साथी तीतुस, जे यहूदी नी पर यूनानी है, तिसजो खतना कराणा चाएदा, पर आखिर बिच, कलीसिया रे प्रधान मणूआं ने तिस पर खतना कराणे तांइ जोर नी पाया।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।