2 कुरुन्थियों 13:14 - चम्बयाली नौआ नियम

¹⁴ असा रे प्रभु यीशु रा अनुग्रह, ते परमेश्वर रा प्यार ते पवित्रात्मा री संगती, तुसा सबणी कने बणी रेयो।

2 कुरुन्थियों 13:14 ပူးပေါင်းရင်းမြစ်များ

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 7:38

जे मेरे पर विश्वास करगा, जिय्यां पवित्रशास्त्र बिच लिख्खे रा है, उसेरे दिल बिच का जिन्दगी रे पाणी री नदियां फूटी निकलणी जे हमेसा री जिन्दगी दिंदी।

प्रेरितां रे कम्म 15:11

इय्यां करणा सही नी है। असा रा ए मनणा है कि जिय्यां तिन्हा ने मसीह यीशु रे अनुग्रह कने छुटकारा पाणा, तिस्सी तरिक्के कने असी भी पाणा।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 16:20

सांती रा परमेश्वर ने बड़े तौले ही शैतान री ताकत जो मुकाई दैणा ते तिसजो तुसा रे पैरा हेठ करी दैणा, असा रे प्रभु यीशु मसीह री अनुग्रह तुसा पर हुंदी रैह्णी।

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

रोमियों 16:27

तिसी इकलौत्ते ते समजदार परमेश्वर री मसीह यीशु रे जरिये महिमा हुंदी रे। आमीन!

रोमियों 5:5

ते इस आस कने असा जो निराशा नी हुंदी, किजोकी परमेश्वर ने असा जो पवित्रात्मा दित्ते रा है, जे असा रे मन जो परमेश्वर रे प्यार कने भरी दिंदा।

रोमियों 8:39

ना कोई असा रे उप्पर, ना कोई असा रे थल्ले, ना परमेश्वर री बणाए री कोई होर रचना, असा जो परमेश्वर रे उस प्यार का बखरा करी सकदा जे तिन्हा ने असा पर प्रभु यीशु मसीह रे जरिये ज़ाहिर कित्ता।

रोमियों 8:9

पर जां कि पवित्रात्मा तुसा रे बिच बसदा, तां तुसा पाप रे स्वभाव रे काबू बिच नी, बल्कि पवित्रात्मा रे काबू बिच रैहन्दे। ते जे अगर कुसकी मणू बिच मसीह रा आत्‍मा नी है, तां से परमेश्वर रा मणू नी है।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 14:16

वरना जे अगर तू आत्‍मा कने ही परमेश्वर री महिमा करगा तां कुसकी आम इन्सान ने तेरे शुक्रिया पर आमीन नी बोल्ली सकणा किजोकी से नी जाणदा की तू कै बोल्लेया करदा है।

1 कुरुन्थियों 16:23

प्रभु यीशु रा अनुग्रह तुसा पर हुंदा रे।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

इफिसियों 2:18

मसीह यीशु री वजह कने असी सारे जणे इक्क ही पवित्रात्मा रे जरिये पिता रे नेड़े आई सकदे।

इफिसियों 2:22

मसीह यीशु रे जरिये तुसा भी बाकि पवित्र मणूआं कने मिली करी परमेश्वर रा पवित्र घर हिन, जित्ते परमेश्वर अपणी अात्मा रे जरिये वास करदे।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

इफिसियों 6:23

मैं परमेश्वर पिता ते प्रभु मसीह यीशु का ए प्रार्थना करदा कि से तुसा जो सांती दे। ते इस कने तुसा बिच प्यार बधे ते तुसा मसीह यीशु बिच विश्वास करणे बिच बणी रेयो।

फिलिप्पियों 2:1

हालांकि तुसा मसीह यीशु रे मणू होणे रे वजह कने उत्साहित, तुसा जो मसीह रे प्यार कने तसल्ली मिल्ले री है, तुसा जो पवित्रात्मा कने सहभागिता मिल्ले री है, ते मसीह तुसा तांइ करुणामयी ते दयावान रे,

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 3:16

असा ने प्यार मसीह यीशु का सिख्खेया कि तिन्हा ने असा तांइ अपणी जिन्दगी देई दित्ती, इधेरे तांइ असा जो भी अपणे संगी विश्वासियां तांइ अपणी जान दैणी चाएदी।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

यहूदा 1:21

जिय्यां कि तुसा इस गल्ल रा इंतजार करेया करदे हिन कि मसीह यीशु ने अपणे दया कने तुसा जो हमेसा री जिन्दगी दैणी इधेरे तांइ तुसा जो अपणी जिन्दगी ए जाणदे होए गुजारणा चाएदी कि परमेश्वर तुसा कने प्यार करदे।