2 कुरुन्थियों 12:6 - चम्बयाली नौआ नियम

⁶ किजोकी जे अगर मैं गर्व करणा चां, तां भी मैं बेवकूफ नी ठैहरणा, किजोकी मैं ता सच बोलणा, पर तां भी मैं गर्व करणे का बचदा, कुते इय्यां ना हो कि जिय्यां कोई मेरे जो दिखदा या मेरे का सूणदा हो, ते मेरे जो तिन्हा गल्लां का बधी करी समझो।

2 कुरुन्थियों 12:6 ပူးပေါင်းရင်းမြစ်များ

रोमियों 9:1

मैं सच बोलदा किजोकी मैं मसीह यीशु रा मणू है, मैं झूठ नी बोल्लेया करदा है, मेरा विवेक पवित्रात्मा रे जरिये इस गल्ल जो पक्का करदा,

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

2 कुरुन्थियों 1:18

जिय्यां परमेश्वर विश्वासयोग्य हिन, तिय्यां ही असा री गल्लां हमेसा ही सच हुंदी।

2 कुरुन्थियों 11:16

मैं फिरी बोलदा कि कोई ए मत समझो कि मैं बेवकूफ है, पर भले ही तुसा इय्यां सोचदे भी हुंगे, ते जां मैं इय्यां घमंड भी करां, तां मेरे जो इक्क बेवकूफ समजी करी ही मेरी गल्लां जो सुणी लेया करो।

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 12:7

मेरे सरीर बिच इक्क बड़ी वरी पीड़ कुसकी कंडे सांई लग्गे री है, ते शैतान रा इक्क दूत मेरे जो तड़पांदा रैहन्दा, ताकि मैं परमेश्वर का मिल्ले रे बड़े सारे प्रकाशन पाणे री वजह कने घमंडी ना बणी जां।

2 कुरुन्थियों 5:13

जे अगर कोई बोल्ले कि असी बेसुध हिन तां सिर्फ परमेश्वर तांइ हिन, ते जे अगर असी होश बिच हिन, तां तुसा तांइ हिन।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।