2 कुरुन्थियों 12:4 - चम्बयाली नौआ नियम

⁴ से स्वर्ग मणू जो चुक्की लित्तेया गेया, ते इदेय गल्लां सूणी, जिन्हा जो बोलणा ठीक नी ते इदेइ कुसकी होर मणू जो दसणे री इजाज़त नी है।

2 कुरुन्थियों 12:4 ပူးပေါင်းရင်းမြစ်များ

लूका 23:43

यीशु ने तिसजो बोल्लेया, मैं तिज्जो सच बोल्दा, अज्ज ही तू मेरे कने स्वर्ग-लोक बिच होणा।

प्रेरितां रे कम्म 8:39

जां से पाणी बिच निकली करी उप्पर आये तां प्रभु रा आत्‍मा फिलिप्पुस चुकी करी लेई गे, ते किन्नर ने फिरी तिसजो नी दिख्खेया, ते से खुसी मणादें-मणादें अपणे देस जो हटी गेया।

1 कुरुन्थियों 13:1

जे अगर मैं मणूआं ते स्वर्गदूतां री भाषां बोल्लां, पर कुसकी कने प्यार ना करां, तां मेरी गल्ल-बात इक्क ठणठणांदे पित्तल ते झणझणादीं झाज्जं सांई बेमतलब है।

2 कुरुन्थियों 12:2

मैं मसीह यीशु बिच विश्वास करणे वाले इक्क मणू जो जाणदा जिस जो चौदह साल पैल्ले स्वर्ग तिकर चुक्की लित्तेया गेया थिया। मैं ए नी जाणदा कि से मणू अपणे सरीर बिच ही थिया जां ए होया, पर सिर्फ परमेश्वर ही जाणदे।

1 थिस्सलुनीकियों 4:17

तां असी जे जिन्दे विश्वासी होणे तिन्हा कने ही बदलां पर चुक्की लित्ते जाणे ताकि आसमान बिच प्रभु कने मिलण, ते इसी तरिक्के कने असी हमेसा तांइ प्रभु यीशु कने रैह्णा।

प्रकाशित वाक्य 12:5

ते तिसने इक्क मुन्डा जम्मेया जे लोहे रे राजदंड लित्ते रे, सब जातीया पर राज करणे जो थिया, ते तिसेरा बच्चा चाणचक्के ही परमेश्वर का, अते तिन्हेरे सिंहासन का चुक्की करी पूजाई दित्तेया।

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”