2 कुरुन्थियों 12:16 - चम्बयाली नौआ नियम

¹⁶ तुसा बिच का किच्‍छ मणू ता मनदे कि मैं तुसा पर कोई बोझ नी पाया, पर किच्‍छ मणू ए मनदे कि मैं तुसा चलाक्की कने फसाई लित्ते रा है जे कि बिल्कुल झूठ है।

2 कुरुन्थियों 12:16 ပူးပေါင်းရင်းမြစ်များ

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 11:20

किजोकी जां तुसा जो कोई नौक्कर बणाई लिन्दा, या लुट्टी लिंदा, या फसाई लिन्दा, या अप्पु जो बड्डा समजदा, या तुसा रे मुँह पर चंड मारदा, तां तुसा सही लिन्दे।

2 कुरुन्थियों 12:13

मैं तुसा कने वस इक्क चीज नी कित्ती जे मैं दूज्जे कलीसियां रे लोक्कां कने कित्ती, कि मैं तुसा पर आर्थिक तौर पर बोझ नी बणेया, तुसा जो अगर ए लगदा कि मैं इय्यां करी के तुसा कने किच्‍छ गलत कित्ते रा है, तां मेरे जो माफ करी देयो।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 कुरुन्थियों 7:2

असा कने प्यार बणाई रख्खो, असी ना कुसकी कने नाईंसाफी कित्ती ते ना कुसकी रा किच्‍छ बिगाड़े रा है ते ना ही कुसकी जो ठग्गे रा है।

1 थिस्सलुनीकियों 2:3

किजोकी असा रा उपदेस ना वहम कने है ते ना गलत इराद्दे कने, ते ना छल कने है।

1 थिस्सलुनीकियों 2:5

तुसा जाणदे की असी ना तां चापलूसी री गल्लां करेया करदे थिये ते ना तुसा का किच्‍छ हासिल करणे रे लालच बिच बहाणे बणादे थिये, परमेश्वर इन्हा गल्लां रे गवाह हिन।

1 पतरस 2:3

किजोकी पवित्रशास्त्र बिच इस हिसाब कने लिख्खे रा है, “तुसां ने अपणे अनुभव कने सिख्खे रा है कि परमेश्वर भले हिन।”