2 कुरुन्थियों 12:13 - चम्बयाली नौआ नियम

¹³ मैं तुसा कने वस इक्क चीज नी कित्ती जे मैं दूज्जे कलीसियां रे लोक्कां कने कित्ती, कि मैं तुसा पर आर्थिक तौर पर बोझ नी बणेया, तुसा जो अगर ए लगदा कि मैं इय्यां करी के तुसा कने किच्‍छ गलत कित्ते रा है, तां मेरे जो माफ करी देयो।

2 कुरुन्थियों 12:13 ပူးပေါင်းရင်းမြစ်များ

प्रेरितां रे कम्म 18:3

ते पौलुस तिन्हा जो दिखणे तांइ गेया किजोकी से तिन्हेरे सांई तम्बू रे व्यापारी थिये ते से तित्ते रुकी करी तिन्हेरे कने कम्म करदा थिया।

1 कुरुन्थियों 9:12

जां तुसा दूज्जे प्रेरितां री इन्नी मदद कित्ती तां फिरी तुसा जो इसका भी जादा बधी करी असा री मदद करणा चाएदी। पर असा ने तुसा लोक्कां पर असा री मदद करणे रा दवाब नी पाया पर इसेरे बजाए असा ने सब किच्‍छ सहन कित्तेया ताकि असा री वजह कने मसीह यीशु रे सुब बसेख बिच कोई रुकावट ना आए।

1 कुरुन्थियों 9:6

असा जो भी बाकि प्रेरितां सांई आर्थिक मदद लैणे रा पुर हक है ताकि अपणी जरुरतां तांइ असा जो कम्म ना करणा पे।

2 कुरुन्थियों 12:14

अवे मैं तिज्जी वरी तुसा का आणे जो तैयार है, ते मैं तुसा पर कोई बोझ नी बणना, किजोकी मेरे जो तुसा री धन-दौलत नी चाएदी, पर मेरे जो तुसा चाएदे। किजोकी बच्चेयां जो अपणे मां-प्यो तांइ धन्न नी कठेरणा चाएदे, बल्कि मां-प्यो जो बच्चेयां तांइ धन्न कठेरणा चाएदा।