2 कुरुन्थियों 12:10 - चम्बयाली नौआ नियम

¹⁰ इधेरे तांइ मैं मसीह यीशु जी तांइ कमजोरियां अन्दर, ते निन्दा होणे अन्दर, ते दरिद्रता अन्दर, ते जुल्मां अन्दर अते बुरे समय अंदर भी खुस है, किजोकी जां मैं कमजोर हुन्दा, तां मसीह मेरे जो ताकत दिंदे।

2 कुरुन्थियों 12:10 ပူးပေါင်းရင်းမြစ်များ

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 5:3

सिर्फ ए ही नी, पर असी ए सोच्ची करी दुख-तकलिफां सहणे बिच भी खुस हिन, कि दुख-तकलीफ सहणे कने सबर बदधा,

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

2 कुरुन्थियों 1:4

से असा री हर मुसीबत बिच असा जो तसल्ली दिंदे, ताकि असी भी तिन्हा लोक्कां जो तसल्ली देई सकण जे मुसीबत बिच हिन, जिय्यां परमेश्वर ने असा जो तसल्ली दित्ती।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

2 कुरुन्थियों 12:9

पर तिन्हा ने मेरे जो बोल्लेया, मेरा अनुग्रह तेरे तांइ मता है। इधेरे तांइ अवे मैं कमजोरियां पर गर्व करणे तांइ खुस है ताकि मसीह यीशु मेरे जो अपणी ताकत दिंदे रे।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 13:9

पर जिस बेल्ले असी कमजोर हुंदे ते तुसा ताकतवर हुंदे, तां असा जो बड़ी खुसी हुंदी, इसेरे अलावा असी प्रार्थना भी करदे कि तुसा मसीह यीशु बिच विश्वास करणे बिच सिद्व होई जाओ।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

2 कुरुन्थियों 4:5

दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

2 कुरुन्थियों 5:15

ते मसीह इधेरे तांइ सारेयां तांइ मरेया कि जे मणू जिन्दे हिन, से अग्गे जो अपणे तांइ ना जिन्दगी ना जीण पर तिन्हेरे तांइ जीण जे तिन्हेरे तांइ मरेया ते फिरी मरे रे लोक्कां बिच का जिन्दा होई गेया।

2 कुरुन्थियों 5:20

इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

2 कुरुन्थियों 6:4

हर तरिक्के कने असी ए ज़ाहिर करदे कि असी परमेश्वर रे चुणे रे दास हिन, असी बड़े सबर कने दुखां, कमी-घटियां ते मुसीबतां जो सैह्‍ंदे।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

इफिसियों 6:10

आखिरकार तुसा परमेश्वर री ताकत बिच आत्मिक रुप बिच अप्पु भी ताकतवर बणदे जाओ।

फिलिप्पियों 1:29

किजोकी मसीह यीशु री वजह कने तुसा पर ए दया होई कि नां सिर्फ तुसा तिन्हा पर विश्वास करो पर तिन्हा तांइ दुख भी सही सको।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 तीमुथियुस 3:11

तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।

याकूब 1:2

ओ मेरे संगी विश्वासियों, अपणे परखे जाणे जो तुसा खुसी री गल्ल मन्नों,

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।