2 कुरुन्थियों 11:3 - चम्बयाली नौआ नियम3 पर मैं डरदा कि जिय्यां शैतान ने कीड़े रे रुप बिच, अपणी चलाकी कने हव्वा जो बैह्काया थिया, तिय्यां ही तुसा रे मन तिस सिधाई ते पवित्रता, जिस कने तुसा जो मसीह यीशु रा आदरमान करणा चाएदा, कुदखी भ्रष्ट नी कित्ते जाण। အခန်းကိုကြည့်ပါ။ |
2 कुरुन्थियों 11:3
47 ပူးပေါင်းရင်းမြစ်များ
जे अगर कुसकी जो लोक्कां प्रोत्साहित करणे रा वरदान मिल्ले रा हो, तां से लोक्कां जो प्रोत्साहित करणे बिच लग्गी रेयो। जिस जो दान दैणे रा वरदान मिल्ले रा हो, ता से खुले मन कने दान दे। जिस जो लोक्कां री अगुवाई करणे रा वरदान मिल्ले रा हो, से पूरी मैहनत कने लोक्कां री अगुवाई करे। जिस जो दया करणे रा वरदान मिल्ले रा हो, से खुसी कने करेया करे।
तीमुथियुस, जिय्यां कि तू जाणदा इफिसुस सहर बिच किच्छ मणू हिन जे गलत शिक्षां दिंदे। से लगातार मनघड़ंत कहाणियां ते पूरखां रे लंबी सुची रे बारे बिच सिखांदे रैह्न्दे। जां मैं इफिसुस सहर का मकिदुनिया रे इलाक्के बिच जाणे तांइ तैयार थिया तां मैं तुसा जो इफिसुस सहर बिच रैह्णे तांइ बोल्लेया थिया ते फिरी तित्ते ही रुकणे ते बोलदा कि तिन्हा लोक्कां जो समझाओ कि से लोक्कां जो झूठ्ठी गल्लां ना सिखाण ते विश्वासी मणू भी इदेइ झूठ्ठी गल्लां बिच मन ना लाण किजोकी जां से इदेइ झूठ्ठी गल्लां सिखांदे तां विश्वासी तिस बारे बिच अप्पु-मिते बैह्स करदे ते इदेइ बैह्सबाजी परमेश्वर रा कम्म करणे बिच मदद नी करदी, परमेश्वर री सेवा रा कम्म सिर्फ तां ही होई सकदे जां कोई मणू परमेश्वर बिच पूरा विश्वास रख्खे।
मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।
मेरा तुसा जो ए चीठ्ठी लिखणे रा मकसद ए है कि किच्छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।
तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”
ကြော်ငြာတွေ