2 कुरुन्थियों 11:22 - चम्बयाली नौआ नियम

²² कै से इब्रानी मणू हिन? मैं भी इब्रानी मणू है। कै से इस्राएली मणू हिन? मैं भी इस्राएली मणू है। कै से अब्राहम रे वंश रे हिन? मैं भी अब्राहम रे वंश रा है।

2 कुरुन्थियों 11:22 ပူးပေါင်းရင်းမြစ်များ

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

प्रेरितां रे कम्म 22:3

मैं ता यहूदी मणू है, अते मेरा जन्म किलिकिया प्रदेश रे तरसुस कस्बे बिच होया पर इस सहर अन्दर गमलीएल रे पैरां रे नेड़े बिठाई करी पढ़ाया गे रा है, ते बब्ब-दाद्देयां री परम्परा मेरे जो ठीक तरिक्के कने सखाई गे री है मेरे अन्दर परमेश्वर तांइ बड़ा जोस थिया जिय्यां अज्ज तुसा अन्दर है

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

रोमियों 11:1

इधेरे तांइ मैं पूच्छदा, कै परमेश्वर ने अपणी प्रजा जो छड्डी दित्तेया? बिल्कुल भी नी! मैं भी तां इस्राएली मणू है, ते अब्राहम रे ‍खानदान ते बिन्यामीन रे गोत्तर बिच का है।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

गलातियों 3:16

इसी तरिक्के कने परमेश्वर ने अब्राहम ते तिसेरी औलाद कने वादे कित्ते। परमेश्वर ने ए नी बोल्लेया, “तेरी औलाद्दां जो” जिय्यां कि मते लोक्कां रे बारे बिच बोल्ले रा भी है। पर से सिर्फ इक्क जणे रे बारे बोल्लेया करदा है जां से ए बोलदा, “तेरी औलाद जो” जे कि मसीह यीशु हिन।

फिलिप्पियों 3:5

जां मेरे पैदा होणे रे अठमे दिन पर परमेश्वर रे हुकमां रे हिसाब कने मेरा खतना होया, मैं पैदाइसी इस्राएली है ते बिन्यामीन गोत्र रा है, मेरे मां-प्यो यहूदी हिन, ते मैं इब्रानी है, ते मूसा रे कानून जो मनणे बिच मैं फरीसी है।