2 कुरुन्थियों 11:21 - चम्बयाली नौआ नियम

²¹ असा जो तुसा कने तिय्यां बर्ताव करणे री हिम्मत नी होई, किजोकी तिय्यां करणे बिच मेरे जो बड़ी शर्मिंदगी हुंदी। पर जे अगर कोई मणू कुसकी गल्ल बिच घमंड करणे री हिम्मत करदा, तां मैं भी इक्क बेवकूफ मणू सांई बोलदा, कि मैं तिस गल्ल बिच घमंड करणे री जादा हिम्मत रखदा।

2 कुरुन्थियों 11:21 ပူးပေါင်းရင်းမြစ်များ

2 कुरुन्थियों 10:10

किजोकी तुसा बिच का मते जणे बोलदे, कि मेरी चीठ्ठियां तां बड़ी कड़क ते जोरदार हिन, पर जिस बेल्ले मैं आमणे-सामणे मिलदा, तां कमजोर ते गल्ल-बात करणे बिच बेकार लगदा।

2 कुरुन्थियों 11:1

मेरी चाह्‍त है कि जां मैं थोड़ी-मती बेवकूफी री गल्लां करदा, तां तुसा मेरे जो सहन करी लेयो।

2 कुरुन्थियों 11:17

पर मेरा इय्यां बेधड़क होई करी गल्ल करणा परमेश्वर रे पास्से का नी है, पर मैं इक्क बेवकूफ मणू सांई गल्ल करेया करदा है।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।