2 कुरुन्थियों 11:19 - चम्बयाली नौआ नियम

¹⁹ तुसा अप्पु जो समजदार समजी करी, खुसी-खुसी बेवकूफ मणूआं री गल्लां सही लिन्दे।

2 कुरुन्थियों 11:19 ပူးပေါင်းရင်းမြစ်များ

1 कुरुन्थियों 10:15

मैं तुसा जो समजदार मन्नी करी बोलदा, जे गल्ल मैं बोल्लेया करदा है तिन्हा गल्लां जो तुसा परखी करी दिख्खो कि से सही हिन या गलत हिन।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

1 कुरुन्थियों 8:1

तुसा अपणी चीठ्ठी बिच मेरे का मूर्तां जो भेंट चढ़ाए री रोट्टी रे बारे बिच पूच्छेया थिया। असा सारे ही इस मामले रे बारे बिच थोड़ा-मता जाणदे। पर ज्ञान असा जो घमंडी बणाई दिंदा, जदकी प्यार असा जो बाकि लोक्कां तांइ मददगार बणाई दिंदा।

प्रकाशित वाक्य 2:2

मैं जाणदा कि तू कै करदा। तू बड़ी जी-हजुरी कने मेरा कम्म करदा, तू मेरे पर अपणे विश्वास री वजह कने जुल्मां जो भी बड़े सबर कने सहन करदा। मैं जाणदा कि तू दुष्ट लोक्कां री झूठ्ठी शिक्षा जो बर्दाश नी करदा। तू तिन्हा लोक्कां जो परखे रा है जे ए बोलदे कि से प्रेरित हिन पर हकीकत बिच से नी हिन, ते तू जाणदा कि से झूठ्ठे हिन।

प्रकाशित वाक्य 3:17

तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।