2 कुरुन्थियों 11:15 - चम्बयाली नौआ नियम

¹⁵ इधेरे तांइ इस गल्ल बिच कोई हैरानी नी है कि शैतान रे दास भी परमेश्वर री सेवा करणे वालेयां रे भेस बिच आंदे। तिन्हेरे कम्मां रे हिसाब कने तिन्हेरा खातमा होई जाणा।

2 कुरुन्थियों 11:15 ပူးပေါင်းရင်းမြစ်များ

प्रेरितां रे कम्म 13:10

ओ सारी बुराई अते कपट कने भरितेरे, शैतान री औलाद, तू हर इक्क नेक गल्ल रा दुश्मण है कै तू परमेश्वर रे सीद्दे-सच्चे रस्ते जो टेढा करणा नी छडणा?

रोमियों 2:6

परमेश्वर ने हर इक्क जो तिन्हेरे कम्मां रे हिसाब कने बदला दैणा।

रोमियों 3:8

किच्‍छ मणू असा पर ए इल्जाम लांदे कि असी लोक्कां जो इय्यां सिखांदे, “आओ असी बुराई करदे रैह्ण, ताकि जादा भलाई हो। पर इदेइ इल्जाम लाणे वाले मणू सजा जोग्गे हिन।”

1 कुरुन्थियों 9:11

किजोकी असा ने तुसा लोक्कां बिच परमेश्वर रे बसेख रा बीह् बाये रा है, इधेरे तांइ ए तुसा रा फर्ज़ है कि तुसा असा री रोज-मर्रा री जरुरतां जो पूरा करो।

2 कुरुन्थियों 11:13

इदेय मणू झूठ्ठे प्रेरित हिन। से मणू मसीह रे प्रेरितां रे भेस बिच ठग्गी रे कम्म करणे वाले मणू हिन।

2 कुरुन्थियों 11:23

कै से ही मसीह यीशु री सेवा करणे वाले मणू हिन? मैं बोलदा कि मैं तिन्हा का बधी करी है! मैं पागल मणू सांई बोलदा कि मैं तिन्हा का जादा मैहनत कित्ते री है, मैं तिन्हा का जादा कैद होए रा है, मैं तिन्हा का जादा कोड़े खाए, ते मैं तिन्हा का जादा मौत रे खतरे बिच पेरा है।

2 कुरुन्थियों 3:9

किजोकी जां कसुरवार ठैहराणे वाला, मूसा रे कानून महिमामय थिया, तां पक्के तौर पर धार्मिक ठैहराणे वाली नौई वाचा बिच होर भी जादा महिमामय होणी।

फिलिप्पियों 3:19

अग्गे चली करी तिन्हेरा खातमा होई जाणा, तिन्हेरा परमेश्वर तिन्हेरे शारीरिक इच्छा हिन, से अपणी बेशर्मी री गल्लां पर घमंड करदे, ते से मणू सिर्फ तिन्हा दुनियावी चीजां जो करणे रे बारे बिच सोचदे रैहन्दे जे इस दुनिया रे मणू करदे।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।

प्रकाशित वाक्य 13:14

तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ।

प्रकाशित वाक्य 13:2

जे ड्रोणा जानवर मैं दिख्खेया थिया, से चित्ते सांई थिया, अते तिसेरे पैर रीख सांई थिये, अते मुँह शेर सांई, अते उस अजगर ने अपणी ताकत, ते अपणा सिंहासन, अते अपणा हक, तिस ड्रोणे जो देई दित्तेया।

प्रकाशित वाक्य 9:11

तिन्हा जो अपणे काबू बिच चलाणे वाला इक्क राज्जा है। ओ शैतान रा से दूत है जे पताल जो खोलदा। इब्रानी भाषा बिच तिसेरा नां अबद्दोन है, ते यूनानी भाषा बिच तिसेरा नां अपुल्लयोन है, जिसेरा मतलब है, “तबाह करणे वाला।”