2 कुरुन्थियों 11:14 - चम्बयाली नौआ नियम

¹⁴ पर ए कोई हैरानी वाली गल्ल नी है! किजोकी शैतान ता अप्पु भी परमेश्वर रे स्वर्गदूत रे भेस बिच रैहन्दा।

2 कुरुन्थियों 11:14 ပူးပေါင်းရင်းမြစ်များ

2 कुरुन्थियों 11:3

पर मैं डरदा कि जिय्यां शैतान ने कीड़े रे रुप बिच, अपणी चलाकी कने हव्वा जो बैह्काया थिया, तिय्यां ही तुसा रे मन तिस सिधाई ते पवित्रता, जिस कने तुसा जो मसीह यीशु रा आदरमान करणा चाएदा, कुदखी भ्रष्ट नी कित्ते जाण।

2 कुरुन्थियों 2:11

ताकि शैतान असा रा कोई फायदा नी उठाई सको किजोकी असी तिसेरी चाल्लां जो जाणदे।

गलातियों 1:8

पर चाये असा हो या कोई स्वर्गदूत, जे कोई असा रे सुणाये रे सुब बसेख का बखरे तरिक्के रा बसेख सूणान्दा, तां परमेश्वर ने तिसजो सजा दैणी।

कुलुस्सियों 1:12

ते पिता परमेश्वर रा शुकर करदे रेयो, जिन्हा ने असा जो इस जोग्गा बणाया कि स्वर्ग रे राज बिच तिन्हेरे अपणे लोक्कां कने तिस विरासत रे हिस्सेदार बनण, जे तिन्हा ने अपणे लोक्कां तांइ तैयार कित्ते रा है।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।