2 कुरुन्थियों 11:12 - चम्बयाली नौआ नियम

¹² पर मैं तुसा का कदी दान नी लैणा, ताकि दूज्जेयां जो इस गल्ल बिच घमंड करणे रा मौक्का ना मिल्ले कि तिन्हा ने भी तिस्सी तरिक्के कने सेवा करदे जिय्यां असी करदे।

2 कुरुन्थियों 11:12 ပူးပေါင်းရင်းမြစ်များ

मत्ती 26:16

ते से तिसी बेल्ले का तिन्हेरे जो पकड़वाणे रा मौक्का तोपणा लग्गेया।

1 कुरुन्थियों 5:6

तुसा घमंड करणा छड्डी देयो। जिय्यां कि तुसा जाणदे कि जरा करी तराक पूरे गुह्ने रे आट्टे जो तराक्की दिंदा तिय्यां ही जां कोई इक्क मणू पाप करदा रैहन्दा तां तिस वजह कने तिसेरे कन्ने रे सारे मणू तिस असर बिच पाप करणा लग्गी पैंदे।

1 कुरुन्थियों 9:12

जां तुसा दूज्जे प्रेरितां री इन्नी मदद कित्ती तां फिरी तुसा जो इसका भी जादा बधी करी असा री मदद करणा चाएदी। पर असा ने तुसा लोक्कां पर असा री मदद करणे रा दवाब नी पाया पर इसेरे बजाए असा ने सब किच्‍छ सहन कित्तेया ताकि असा री वजह कने मसीह यीशु रे सुब बसेख बिच कोई रुकावट ना आए।

2 कुरुन्थियों 1:17

मेरा मन पूरे तरिक्के कने तैयार थिया कि ए ही योजना होणी। मैं तुसा कदी “हाँ” ते कदी “ना” नी थिया बोलदा। मैं दुनिया रे लोक्कां सांई योजना नी बणांदा।

2 कुरुन्थियों 10:17

पर जिय्यां कि पवित्रशास्त्र बिच लिख्खे रा है, “जे अगर कोई गर्व करो, से प्रभु पर ही गर्व करो।”

2 कुरुन्थियों 11:18

हालांकि जिय्यां मते मणू इस दुनिया रे लोक्कां सांई घमंड करदे, तिय्यां ही मैं भी घमंड करदा।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।

2 कुरुन्थियों 5:12

असी फिरी भी अपणी तारिफ तुसा अग्गे नी करदे, पर असी तुसा जो असा रे बारे बिच गर्व करणे रा मौक्का दिदें, तुसा तिन्हा जो जवाब देई सको, जे मन पर नी पर दिखावटी गल्लां पर घमंड करदे।

गलातियों 1:7

सिर्फ इक्क ही सुब बसेख है, पर किच्‍छ इदेय मणू हिन जे तुसा जो गलत बसेख देई करी भटकाया करदे हिन, ते मसीह यीशु रे सुब बसेख बिच हेर-फेर करणे री कोसीस करेया करदे हिन।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।