2 कुरुन्थियों 11:11 - चम्बयाली नौआ नियम

¹¹ मैं किजो कदी पैसे नी लित्ते? कै इधेरे तांइ तुसा का दान नी लित्ता कि मैं तुसा कने प्यार नी रखदा? पर परमेश्वर ए जाणदे कि मैं तुसा कने प्यार रखदा।

2 कुरुन्थियों 11:11 ပူးပေါင်းရင်းမြစ်များ

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

रोमियों 1:9

परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

2 कुरुन्थियों 11:10

जिस सच्चाई कने मैं तुसा जो मसीह रे बारे बिच दसदा तिय्यां ही मैं तुसा जो बोलदा कि अखाया प्रदेश बिच का कुसकी ने भी मेरे जो इस गल्ल पर गर्व करणे का रोक्की नी सकणा, कि मैं कदी तिन्हा बिच का कुसकी का आर्थिक मदद नी लित्ती।

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

2 कुरुन्थियों 7:3

मैं तुसा जो दोषी ठैहराणे तांइ ए नी बोलदा, किजोकी मैं पैल्ले ही बोल्ली चुक्के रा है कि असी तुसा जो इन्ना प्यार करदे कि असी तुसा कने जीणे-मरणे तांइ भी तैयार हिन।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।