2 कुरुन्थियों 11:1 - चम्बयाली नौआ नियम

¹ मेरी चाह्‍त है कि जां मैं थोड़ी-मती बेवकूफी री गल्लां करदा, तां तुसा मेरे जो सहन करी लेयो।

2 कुरुन्थियों 11:1 ပူးပေါင်းရင်းမြစ်များ

मत्ती 17:17

यीशु ने जवाब दित्तेया, अविश्वासी अते भटके रे मह्णणूओं! मैं कधाड़ी तांइ तुसा रे कने रैह्णा? कधाड़ी तांइ तुसा री रैह्णी? तिसजो मेरे का लियाओ।

प्रेरितां रे कम्म 18:14

जां पौलुस बोलणे वाला ही थिया, तां गल्लियो ने यहूदियां जो बोल्लेया, ओ यहूदियों, जे ए किच्‍छ बे-न्यायी या बुराई री गल्लां हुंदी तां ठीक थिया ते मैं तुसा री सूणदा

प्रेरितां रे कम्म 26:29

पौलुस ने बोल्लेया, परमेश्वर का मेरी प्रार्थना है कि कै थोड़े अन्दर कै मते अन्दर, सिर्फ तू ही नी पर जितणे भी मणू अज्ज मेरी सूणदे हिन, इन्हा बन्धनां जो छड्डी करी से मेरे सांई मसीही होई जाण।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

1 कुरुन्थियों 4:8

तुसा का अपणी आत्मिक जरुरत रे हिसाब कने सब किच्‍छ है, तुसा इय्यां सोचदे कि तुसा का पवित्रात्मा रे सारे वरदान हिन। तुसा जो इय्यां लगदा कि असा रे बगैर ही रे राज्जेयां सांई राज करणा सुरु करी दित्ते रा है। जे अगर तुसा राज्जेयां सांई राज करेया करदे हुंदे ता ए असा तांइ बड़ी खुसी री गल्ल होणी थी, किजोकी तां फिरी असा भी तुसा कने राज करणा थिया।

2 कुरुन्थियों 11:19

तुसा अप्पु जो समजदार समजी करी, खुसी-खुसी बेवकूफ मणूआं री गल्लां सही लिन्दे।

2 कुरुन्थियों 11:21

असा जो तुसा कने तिय्यां बर्ताव करणे री हिम्मत नी होई, किजोकी तिय्यां करणे बिच मेरे जो बड़ी शर्मिंदगी हुंदी। पर जे अगर कोई मणू कुसकी गल्ल बिच घमंड करणे री हिम्मत करदा, तां मैं भी इक्क बेवकूफ मणू सांई बोलदा, कि मैं तिस गल्ल बिच घमंड करणे री जादा हिम्मत रखदा।

2 कुरुन्थियों 11:4

अगर कोई तुसा का आई करी यीशु रे बारे बिच गलत ही प्रचार करो, जे असा रे प्रचार का बखरा हो, या जे पवित्रात्मा तुसा जो पैल्ले का मिल्ले रा है, तिसेरे अलावा होर कोई आत्‍मा तुसा जो मिलदा, या जां तुसा कुसकी होर बसेख जो अपणाई लिंदे जे असा रे सुणाए रे बसेख का बखरा है, तां तुसा तिसजो अपनाणे बिच गलत हिन।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 5:13

जे अगर कोई बोल्ले कि असी बेसुध हिन तां सिर्फ परमेश्वर तांइ हिन, ते जे अगर असी होश बिच हिन, तां तुसा तांइ हिन।

इब्रानियों 5:2

इन्सान होणे रे नात्ते से भी अपणी हर कमजोरी रे अधीन है, इधेरे तांइ से अज्ञानी ते भटके रे लोक्कां कने बड़ा नरम बर्ताव करदा।