2 कुरुन्थियों 10:8 - चम्बयाली नौआ नियम

⁸ किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

2 कुरुन्थियों 10:8 ပူးပေါင်းရင်းမြစ်များ

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

2 कुरुन्थियों 10:4

असी इन्सानी विचारां ते झूठ्ठी बैह्सबाजी जो नास करणे तांइ दुनियावी हथियारां रा नी, बल्कि परमेश्वर रे ताकतवर हथियारां रा इस्तेमाल करदे।

2 कुरुन्थियों 10:9

मैं अपणी चीठ्ठियां रे जरिये तुसा जो डराणे री कोसीस नी है करेया करदा।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

2 कुरुन्थियों 12:6

किजोकी जे अगर मैं गर्व करणा चां, तां भी मैं बेवकूफ नी ठैहरणा, किजोकी मैं ता सच बोलणा, पर तां भी मैं गर्व करणे का बचदा, कुते इय्यां ना हो कि जिय्यां कोई मेरे जो दिखदा या मेरे का सूणदा हो, ते मेरे जो तिन्हा गल्लां का बधी करी समझो।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:8

किजोकी असी सच्चाई रे खिलाफ किच्‍छ नी करी सकदे, पर सच्चाई तांइ सब किच्‍छ करी सकदे।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

गलातियों 1:1

मैं पौलुस, जे इक्क प्रेरित है, गलातिया प्रदेश री कलीसिया जो ए चीठ्ठी लिख्खेया करदा है। ते जिन्ने भी विश्वासी मेरे कन्ने हिन, तिन्हेरे पास्से का तुसा जो नमस्कार। मेरे जो प्रेरित होणे तांइ सद्देया गेया है। पर मेरे जो किच्‍छ लोक्कां री मडंली ने प्रेरित नी बणाया, या कुसकी मणू ने मेरे जो प्रेरित बणने तांइ नी भेज्जेया। ए मसीह यीशु ते पिता परमेश्वर री वजह कने ही होया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।