2 कुरुन्थियों 10:6 - चम्बयाली नौआ नियम

⁶ ते जां से पूरी तरिक्के कने मसीह रे हुकम मनणे वाले बणी जांदे, तां असी तैयार रैहन्दे कि मसीह यीशु रे हुकमां जो ना मनणे वाले जो सजा दिंदे।

2 कुरुन्थियों 10:6 ပူးပေါင်းရင်းမြစ်များ

रोमियों 2:23

तू जे अप्पु का परमेश्वर रा कानून होणे बिच घंमड करदा, तिसजो ना मन्नी करी परमेश्वर रा अनादर करदा।

1 कुरुन्थियों 4:21

तुसा कै चाह्‍ंदे कि मैं तित्ते पूज्जी करी तुसा कने किय्यां बर्ताव करां? कै मैं डंडा लेई करी तुसा का आ, या प्यार ते निम्तेपन कने?

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:2

जां मैं दूज्जी बाहर तुसा कने मिलणे तांइ आया थिया, तां मैं पाप बिच जिन्दगी जीणे वाले मणूआं जो चितौणी दित्ती थी। ते अवे दुबारा, मैं तिन्हा जो ते बाकि सारे जणेया जो चितौणी देया करदा है, जिय्यां कि मैं पैल्ले भी दित्ती थी, कि जां मैं तुसा का फिरी आणा तां तिन्हा जो छडणा नी जे मणू अपणे पाप्पां का तौबा नी करदे।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 7:15

ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।