2 कुरुन्थियों 10:4 - चम्बयाली नौआ नियम

⁴ असी इन्सानी विचारां ते झूठ्ठी बैह्सबाजी जो नास करणे तांइ दुनियावी हथियारां रा नी, बल्कि परमेश्वर रे ताकतवर हथियारां रा इस्तेमाल करदे।

2 कुरुन्थियों 10:4 ပူးပေါင်းရင်းမြစ်များ

प्रेरितां रे कम्म 7:22

मूसा जो मिस्र देस री सारी शिक्षा दित्ती गयी, ते से गल्लां ते कम्मां, दोन्नां बिच ताकतवर थिया।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

रोमियों 6:13

अते अपणे जिस्म रे कुसकी भी अंग जो बुरे कम्मां री सेवा करणे तांइ हवाले मत करो, बल्कि, अप्पु जो पूरे तरिक्के कने परमेश्वर रे हवाले करी देयो। किजोकी तुसा मरी गे थिये, पर अवे तुसा का नौई जिन्दगी है। इधेरे तांइ अपणे पूरे जिस्म जो इक्क औजार रे तौर पर परमेश्वर री महिमा तांइ इस्तेमाल करो।

1 कुरुन्थियों 2:5

ताकि तुसा रा विश्वास मणू रे ज्ञान पर नी, पर परमेश्वर री ताकत पर टिके रे।

1 कुरुन्थियों 9:7

इदेया कोई भी मणू नी है जे फौज बिच सिपाई रा कम्म करदा हो ते अपणा खर्चा अप्पु ही चुकदा हो। इदेया कोई भी मणू नी है जे अंगूर रा बगीच्चा लांदा ते से तिस बगीच्चे रा फल्ल ना खांदा हो। इदेया कोई भी मणू नी है जे भेडू-बकरु चारदा हो ते तिन्हेरा दूद्द ना पिंदा हो।

2 कुरुन्थियों 10:8

किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

2 कुरुन्थियों 4:7

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

2 कुरुन्थियों 6:7

असी सच्चे प्यार कने, सच्चाई रे वचनां कने, परमेश्वर री ताकत कने, धार्मिकता रे हथियारां कने जे हमला करणे ते अपणी रक्षा करणे तांइ हिन, ते लोक्कां रा असा री इज्जत या बेइज्जती करणे रे जरिये, ते तिन्हेरे असा रे बारे बिच ठीक या बुरी गल्लां बोलणे रे जरिये भी अप्पु जो परमेश्वर रे चुणे रे दास साबित करदे। ते हालांकि असा जो ढोंगी समजेया गेया, पर असी सच ही बोलदे।

1 थिस्सलुनीकियों 5:8

ते जे असी दिन जदेय धार्मिकता रे मणू हिन, असा जो प्यार ते विश्वास जो अपणी रक्षा तांइ लैणी चाएदी, जिय्यां इक्क सिपाई अपणी रक्षा तांइ इक्क झीलम जो पांदा, ते इस आस रे टोप जो तिस सिपाई सांई पाई करी इस उम्मीद बिच चुकन्ने रैह्णा चाएदा कि असी हमेसा री सजा का बचाए गेरे हिन।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

2 तीमुथियुस 2:3

काफी हद तिकर जिय्यां इक्क सिपाई लड़ाई रे मैदान बिच मुस्किल हालात रा सामणा करदा, तिय्यां ही तुसा जो भी मुस्किल हालात रा सामणा करणा चाएदा जिय्यां असी मसीह तांइ मुसीबतां सैह्‍ण करेया करदे हिन।

इब्रानियों 11:30

विश्वास कने ही यरीहो री दीवार जां से सत्त रोज्जां तांइ तिसेरे चक्कर लाई बैठे, तां से पेई गई