2 कुरुन्थियों 10:2 - चम्बयाली नौआ नियम

² मैं तुसा रे छंदे करदा कि जां मैं तुसा का आं, तां मेरे जो तिन्हा लोक्कां कने कड़ाई कने गल्ल ना करणा पये, जे ए सोचदे कि असी दुनियावी तौर-तरिक्के रे हिसाब कने चलदे।

2 कुरुन्थियों 10:2 ပူးပေါင်းရင်းမြစ်များ

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

रोमियों 8:4

तिन्हा ने ए इधेरे तांइ कित्ता ताकि असी अपणी मर्जी करणे रे बजाए, पवित्रात्मा री गल्ल मन्नी करी मूसा रे कानून जो पूरा करण।

रोमियों 8:5

जे मणू पाप रे स्वभाव रे काबू बिच हिन, से पाप री गल्लां सोचदे, ते इसेरा अंजाम मौत है, पर जे मणू पवित्रात्मा रे काबू बिच हिन, से मणू आत्मिक गल्लां रे बारे बिच सोचदे, ते इसेरा अंजाम सच्ची जिन्दगी ते सांती है।

2 कुरुन्थियों 1:17

मेरा मन पूरे तरिक्के कने तैयार थिया कि ए ही योजना होणी। मैं तुसा कदी “हाँ” ते कदी “ना” नी थिया बोलदा। मैं दुनिया रे लोक्कां सांई योजना नी बणांदा।

2 कुरुन्थियों 11:21

असा जो तुसा कने तिय्यां बर्ताव करणे री हिम्मत नी होई, किजोकी तिय्यां करणे बिच मेरे जो बड़ी शर्मिंदगी हुंदी। पर जे अगर कोई मणू कुसकी गल्ल बिच घमंड करणे री हिम्मत करदा, तां मैं भी इक्क बेवकूफ मणू सांई बोलदा, कि मैं तिस गल्ल बिच घमंड करणे री जादा हिम्मत रखदा।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:2

जां मैं दूज्जी बाहर तुसा कने मिलणे तांइ आया थिया, तां मैं पाप बिच जिन्दगी जीणे वाले मणूआं जो चितौणी दित्ती थी। ते अवे दुबारा, मैं तिन्हा जो ते बाकि सारे जणेया जो चितौणी देया करदा है, जिय्यां कि मैं पैल्ले भी दित्ती थी, कि जां मैं तुसा का फिरी आणा तां तिन्हा जो छडणा नी जे मणू अपणे पाप्पां का तौबा नी करदे।